11 Yehova wanena kuti, ‘Ndikugwetsera tsoka kuchokera mʼnyumba yako+ yomwe komanso iwe ukuona. Ndidzatenga akazi ako nʼkuwapereka kwa mwamuna wina,+ ndipo iye adzagona ndi akazi akowo masanasana.+

21 Ahitofeli anauza Abisalomu kuti: “Ugone ndi akazi aangʼono* a bambo ako+ amene awasiya kuti azisamalira nyumba.*+ Ukatero Aisiraeli onse adzamva kuti wadzinunkhitsa pamaso pa bambo ako, ndipo udzapatsa mphamvu anthu amene ali kumbali yako.”

3 Mfumu Davide atafika kunyumba yake* ku Yerusalemu,+ anatenga akazi ake aangʼono 10, amene anawasiya kuti azisamalira nyumba yake aja+ nʼkuwatsekera mʼnyumba ina ndipo anaikapo alonda. Iye ankawapatsa chakudya koma sanagone nawo.+ Iwo anapitiriza kukhala mʼnyumbamo mpaka tsiku limene anamwalira. Ankakhala ngati akazi amasiye ngakhale kuti mwamuna wawo anali moyo.