Salimo

48 Yehova ndi wamkulu komanso woyenera kutamandidwa kwambiri,

Mumzinda wa Mulungu wathu, mʼphiri lake loyera.

 2 Phiri la Ziyoni limene lili mʼdera lakutali lakumpoto,

Ndi lokongola chifukwa lili pamalo okwezeka komanso anthu padziko lonse lapansi akusangalala nalo,+

Ndipo ndi mzinda wa Mfumu Yaikulu.+

 3 Munsanja zake zokhala ndi mpanda wolimba,

Mulungu wasonyeza kuti iye ndi malo othawirako otetezeka.*+

 4 Taonani! Mafumu asonkhana,*

Onse pamodzi abwera.

 6 Kumeneko iwo anayamba kunjenjemera,

Anavutika ngati mkazi amene akubereka.

 8 Zimene tinangomva, tsopano taziona tokha,

Mumzinda wa Yehova wa magulu ankhondo akumwamba, mumzinda wa Mulungu wathu.

 9 Inu Mulungu, ife timaganizira mozama za chikondi chanu chokhulupirika,+

Tili mʼkachisi wanu.

10 Inu Mulungu, mofanana ndi dzina lanu, mawu okutamandani

Afika kumalire a dziko lapansi.+

11 Phiri la Ziyoni likondwere,+

Matauni* a ku Yuda asangalale chifukwa cha zigamulo zanu.+

12 Gubani mozungulira Ziyoni. Zungulirani mzinda wonsewo,

Werengani nsanja zake.+

Yenderani nsanja zake zokhala ndi mpanda wolimba,

Kuti mudzafotokozere mibadwo yamʼtsogolo.