Yosefe anapewa kumangoganizira za mavuto amene ankakumana nawo ndipo ankagwira ndi mtima wonse ntchito yomwe anapatsidwa. Zimenezi zinapangitsa kuti Yehova amudalitse ndipo abwana ake anayamba kumukonda kwambiri. Potifara anaona kuti Yehova ankadalitsa kwambiri Yosefe. Ndipo n’zosakayikitsa kuti zimenezi zinapangitsa kuti zinthu ziziyenda bwino panyumba ya Potifara. Pamapeto pake Potifara anayamba kukhulupirira kwambiri Yosefe moti anasiya chilichonse m’manja mwake.—Genesis 39:3-6.

Baibulo limanena kuti Yosefe anapitiriza kukula ndipo anali “wokongola m’maonekedwe ndi wa thupi loumbika bwino.” Komatu zimenezi zinamubweretsera mavuto chifukwa munthu akakhala wokongola, nthawi zambiri anthu amamusilira.