Yehova Akhoza Kukhala Mnzanu

Yehova amafuna kuti mumudziwe bwino. Chifukwa chiyani? Amaona kuti mukadziwa bwino makhalidwe ake, njira zake ndi cholinga chake mungafunitsitse kukhala mnzake. Koma kodi n’zothekadi kukhala mnzake wa Mulungu? (Werengani Salimo 25:14.) Kodi inuyo mungatani kuti mukhale mnzake wa Mulungu? Baibulo limayankha mafunso amenewa ndipo limasonyeza kuti kukhala mnzake wa Yehova ndi kofunika kwambiri kuposa kugwirizana ndi munthu wina aliyense.

1. Kodi Yehova akufuna kuti inuyo muchite chiyani?

Baibulo limanena kuti “Yandikirani Mulungu, ndipo iyenso adzakuyandikirani.” (Yakobo 4:8) Kodi mawu amenewa akutanthauza chiyani? Yehova akukupemphani kuti mukhale mnzake. Anthu ena amaona kuti n’zosatheka kugwirizana ndi munthu amene sangathe kumuona. Choncho amaona kuti Mulungu sangakhale mnzawo. M’Baibulo, Yehova amafotokoza zonse zotithandiza kuti tidziwe makhalidwe ake. Iye amachita zimenezi n’cholinga choti tikhale anzake. Tikamawerenga uthenga umene Yehova watipatsa m’Baibulo, ubwenzi wathu ndi iye umalimba kwambiri ngakhale kuti sitinamuonepo.

2. N’chifukwa chiyani tinganene kuti Yehova angakhale Mnzanu wabwino kwambiri kuposa wina aliyense?

Tikutero chifukwa chakuti Yehova amakukondani kwambiri kuposa munthu wina aliyense. Iye amafuna kuti muzisangalala ndiponso kuti muzipemphera kwa iye nthawi zonse mukakumana ndi mavuto. Baibulo limati muzimutulira “nkhawa zanu zonse, pakuti amakuderani nkhawa.” (1 Petulo 5:7) Yehova ndi wokonzeka kuthandiza, kutonthoza ndiponso kumvetsera anzake akamalankhula.​—Werengani Salimo 94:18, 19.

3. Kodi Yehova amafuna kuti anzake azichita chiyani?

N’zoona kuti Yehova amakonda anthu onse, koma amakonda kwambiri “anthu owongoka mtima.” (Miyambo 3:32) Yehova amafuna kuti anzake aziyesetsa kuchita zinthu zimene iye amaziona kuti ndi zabwino, n’kumapewa zinthu zimene iye amaziona kuti ndi zoipa. Anthu ena amaona kuti sangakwanitse kuchita zinthu zonse zimene Yehova amafuna komanso kupeweratu zoipa zonse. Koma Yehova ndi Mulungu wachifundo. Iye amalandira aliyense amene amamukonda ndi mtima wonse ndiponso amene amayesetsa kuchita zinthu zomusangalatsa.​—Salimo 147:11; Machitidwe 10:34, 35.

FUFUZANI MOZAMA

4. Abulahamu anali mnzake wa Yehova

Nkhani ya m’Baibulo yokhudza Abulahamu (yemwenso ankatchedwa kuti Abulamu) imatithandiza kudziwa mmene zimakhalira munthu akakhala mnzake wa Mulungu. Werengani nkhani ya Abulahamu pa Genesis 12:1-4. Kenako mukambirane mafunso otsatirawa:

• Kodi Yehova anapempha Abulahamu kuti achite chiyani?

• Kodi Yehova anamulonjeza chiyani?

• Kodi Abulahamu anachita chiyani atamva malangizo a Yehova?

5. Zimene Yehova amafuna kuti anzake azichita

Nthawi zambiri timafuna kuti anzathu azichita zinthu zinazake.

• Kodi inuyo mumafuna kuti anzanu azikuchitirani zinthu ziti?

Werengani 1 Yohane 5:3, kenako mukambirane funso ili:

• Kodi Yehova amafuna kuti anzake azichita chiyani?

Kuti timvere Yehova, tingafunike kusintha khalidwe lathu. Werengani Yesaya 48:17, 18, kenako mukambirane funso ili:

• N’chifukwa chiyani Yehova amafuna kuti anzake asinthe zinthu zina?

6. Zimene Yehova amachitira anzake

VIDIYO: Yehova Wandichitira Zambiri (3:20)

• Muvidiyoyi, kodi Yehova anathandiza bwanji mayi wina kulimbana ndi maganizo oipa?

Werengani Yesaya 41:10, 13, kenako mukambirane mafunso otsatirawa:

• Kodi Yehova walonjeza kuti adzawachitira zotani anzake onse?

• Kodi mukuganiza kuti Yehova akhoza kukhala Mnzanu wabwino? N’chifukwa chiyani mukutero?

7. Kuti Yehova akhale mnzathu, tiyenera kulankhulana

Kulankhulana kumalimbitsa ubwenzi wathu ndi Yehova. Werengani Salimo 86:6, 11, kenako mukambirane mafunso awa:

• Kodi tingalankhule bwanji ndi Yehova?

• Kodi Yehova amalankhula nafe bwanji?

ZOMWE TAPHUNZIRA

Yehova akufuna kuti mukhale Mnzake, ndipo iye akuthandizani kuchita zimenezi.

Kubwereza

• Kodi Yehova amathandiza bwanji anzake?

• N’chifukwa chiyani Yehova amauza anzake kuti asinthe zinthu zina?

• Kodi mukuganiza kuti Yehova amafuna kuti anzake azichita zinthu zomwe n’zovuta kuzikwanitsa? N’chifukwa chiyani mukutero?

ONANI ZINANSO

Kodi kukhala mnzake wa Mulungu kungakuthandizeni bwanji?

“Yehova Ndiye Mulungu Wofunika Kum’dziwa” (Nsanja ya Olonda, February 15, 2003)

Onani zimene mungachite kuti Mulungu akhale mnzanu.

“Kodi Ndingatani Kuti Ndikhale Paubwenzi ndi Mulungu?” (Mayankho a Zimene Achinyamata Amafunsa, Buku Lachiwiri, mutu 35)

Onani zimene zinapangitsa mayi wina kunena kuti kukhala pa ubwenzi ndi Yehova kunapulumutsa moyo wake.

“Sindinkafuna Kufa!” (Nsanja ya Olonda Na. 1 2017)

Mvetserani pamene achinyamata akufotokoza mmene amaonera Yehova.

Kodi Kukhala Bwenzi la Mulungu Kumatanthauza Chiyani? 1:​46

6. Tikabatizidwa timakhala m’banja la Yehova

Tikabatizidwa, timakhala m’banja logwirizana lapadziko lonse. Ngakhale kuti timasiyana kochokera ndi zikhalidwe timakhulupirira zinthu zofanana ndiponso timayendera mfundo zamakhalidwe abwino zofanana pa moyo wathu. Werengani Salimo 25:14 ndi 1 Petulo 2:​17, kenako mukambirane funso ili:

• Mogwirizana ndi mavesiwa, kodi ubatizo umathandiza bwanji munthu?

2. Tingatani kuti tizisangalala ndi moyo panopa?

Yehova anatilenga m’njira yakuti tizitha kuzindikira “zosowa zathu za uzimu,” kutanthauza kuti timakhala ndi mtima wofuna kumudziwa ndi kumulambira. (Werengani Mateyu 5:​3-6.) Iye amafuna kuti tikhale naye pa ubwenzi wolimba, ‘tiziyenda m’njira zake zonse, kumukonda’ komanso kumutumikira ‘ndi mtima wathu wonse.’ (Deuteronomo 10:12; Salimo 25:14) Zimenezi zingatithandize kuti tizisangalala ngakhale kuti tikukumana ndi mavuto. Tikamatumikira Yehova timakhala ndi moyo watanthauzo chifukwa chakuti timachita zinthu mogwirizana ndi cholinga chake.