Kodi Ndinu Fano la Inumwini?

Mosadziŵa, anthu ena amapanga mafano a iwo eni. Baibulo pa Aefeso 5:5 (NW) limalongosola kuti: “Pakuti inu muchidziŵa ichi, mukumadzidziŵira nokha, kuti palibe wadama kapena munthu wauchisi kapena munthu waumbombo​—zimene zimatanthauza kukhala wopembedza mafano​—ali ndi choloŵa chiri chonse mu ufumu wa Kristu ndi wa Mulungu.” (Akolose 3:5; yerekezerani ndi Agalatiya 5:19-21.) Zikhumbo zakuthupi zingabwere pakati pa munthu ndi Mulungu. Paulo akunena za zimenezo kuti “mulungu wawo ndiyo mimba yawo.” (Afilipi 3:18, 19) M’mawu ena, iwo ali ndi “mulungu” wina pambali pa Yehova, namaika zikhumbo zawo zakuthupi m’malo oyamba. Mkhalidwe woterowo ungalepheretse munthu kuloŵa mu Ufumu wa Mulungu. (1 Akorinto 6:9, 10) Chotero, pali chifukwa chabwino, kulabadira mawu a mtumwi Paulo akuti: “Chifukwa chake, okondedwa anga, thaŵani kupembedza mafano.”​—1 Akorinto 10:14.