Nyimbo 64
Inuyo Panokha Muzikonda Kwambiri Choonadi
Losindikizidwa
1. Njira yabwino ndiyo ya choonadi
Wina sangakusankhireni.
Choncho malangizo a M’lungu mverani,
Ndipo m’khulupilireni.
(KOLASI)
M’konde cho’nadi,
Chikhale chanuchanu.
Ndipo mudzakhala
Achimwemwe
Mukakonda cho’nadi.
2. Mukatumikira Mulungu mwakhama
Mudzalandira madalitso,
Komanso mudzapeza moyo wosatha,
Wamtendere ndi wabwino.
(KOLASI)
M’konde cho’nadi,
Chikhale chanuchanu.
Ndipo mudzakhala
Achimwemwe
Mukakonda cho’nadi.
3. M’maso mwa M’lungu tilitu ngati ana
Ofunika kulangizidwa.
Tiyende naye Atate wakumwamba,
Choncho tidzadalitsidwa.
(KOLASI)
M’konde cho’nadi,
Chikhale chanuchanu.
Ndipo mudzakhala
Achimwemwe
Mukakonda cho’nadi.
(Onaninso Sal. 26:3; Miy. 8:35; 15:31; Yoh. 8:31, 32.)