Nyimbo 91

Kuphunzitsidwa ndi Yehova

(Yesaya 54:13)

1. Ya watumiza cho’nadi;

Ndi Mlangizi Wamkulu.

Atsogolera nkhosazo

Monga Woyang’anira.

Nthaŵi ya kudziŵa yadza

Kuti ndi Wamkuludi,

Apereka malangizo

mwachikondi kwa ofatsa.

Mmisiri wake Kristuyo,

Anali mphunzitsidi.

Nanena za Tate wake,

Ndiponso za Ufumu.

Mongaditu anapiye,

Athandiza anthu onse.

Lerolino aphunzitsa

Onga nkhosa mukholalo.

2. Ya watipatsa abusa

Oyesa kuphunzitsa.

Lirime lawo lisonya

Ngowongoka mitima.

Othodwa awathandiza.

Adzudzula olakwa.

Mwa kuphunzitsa zowona;

asangalatsa Yehova.

Tiphunzitsidwadi ndi Ya;

Mwana’ke atsogoza.

Tiri ndi mwaŵi ndithudi

Cho’nadi tiri nacho.

Tikafunitsitsa awo

Okhumba chowonadichi,

Kuli mwa kulalikira,

Aphunzira kumlambira.

3. ‘Idzani mudziŵe za Ya,’

Ichi nchi’tano chathu.

Kuphunzitsa kuchitidwa

Kwa kuchipulumutso.

Mwa zolembedwa ndi mawu

Mbiri ya Ufumuwo

Ikulalikidwa m’dziko

ndi kumitundu yonseyo.

Monga antchito tifuna

Kukhulupirikabe

Tiyendebe m’chowonadi,

Tiimire Ufumu.

Mu’lamuliro wa Kristu

Oukitsidwa apeza

Malangizo opezera

Moyo padziko lapansi.