A7-A

Zinthu Zikuluzikulu Zimene Yesu Anachita Ali Padziko Lapansi

Losindikizidwa

Zochitika za MʼMauthenga Abwino 4, Zondandalikidwa Motsatira Nthawi Imene Zinachitika

Matchati otsatirawa ali ndi mapu osonyeza mmene Yesu anayendera komanso malo omwe analalikirako. Zizindikiro zangati mivi pamapu, sizikusonyeza njira zenizeni zimene anadutsa koma zikungosonyeza madera amene anafikako. Chizindikiro cha “c.” chikutanthauza “cha mʼma.”

Zimene Zinachitika Yesu Asanayambe Utumiki Wake

NTHAWI	MALO	ZIMENE ZINACHITIKA	MATEYU	MALIKO	LUKA	YOHANE
3 B.C.E.	Yerusalemu, mʼkachisi	Mngelo Gabirieli anauza Zekariya za kubadwa kwa Yohane Mʼbatizi			1:5-25
c. 2 B.C.E.	Nazareti; Yudeya	Mngelo Gabirieli anauza Mariya kuti adzabereka Yesu; Mariya anapita kukaona Elizabeti			1:26-56
2 B.C.E.	Dera lakumapiri la Yudeya	Kubadwa kwa Yohane Mʼbatizi ndi kupatsidwa dzina; Zekariya analosera; Yohane azidzakhala mʼchipululu			1:57-80
2 B.C.E., mwina pa 1 Oct.	Betelehemu	Kubadwa kwa Yesu; “Mawu ameneyo anakhala ndi thupi la nyama”	1:1-25		2:1-7	1:14
	Pafupi ndi Betelehemu; Betelehemu	Mngelo anauza abusa nkhani yabwino; angelo anatamanda Mulungu; abusa anapita kukaona mwana			2:8-20
	Betelehemu; Yerusalemu	Yesu anadulidwa (tsiku la 8); makolo ake anapita naye kukachisi (patatha masiku 40)			2:21-38
1 B.C.E. kapena 1 C.E.	Yerusalemu; Betelehemu; Iguputo; Nazareti	Okhulupirira nyenyezi anakaona Yesu; banja linathawira ku Iguputo; Herode anapha ana aamuna; banja linabwerera nʼkukhazikika ku Nazareti 2:1-23	2:1-23		2:39, 40
12 C.E., Pasika	Yerusalemu	Yesu ali ndi zaka 12 kukachisi akufunsa aphunzitsi			2:41-50
	Nazareti	Anabwerera ku Nazareti; anapitiriza kumvera makolo ake; anaphunzira ukalipentala; Mariya anabereka ana ena 4 aamuna komanso ana aakazi (Mat. 13:55, 56; Maliko 6:3)			2:51, 52
29, kumayambiriro	Chipululu, Mtsinje wa Yorodano	Yohane Mʼbatizi anayamba utumiki wake	3:1-12	1:1-8	3:1-18	1:6-8

Mapu osonyeza malo okhudzana ndi zochitika pa moyo wa Yesu: Betelehemu, Nazareti, Yerusalemu