Pangitsani Phunzilo Lanu Laumwini Kukhala Lopindulitsa

CIFUKWA CAKE N’KOFUNIKA: Phunzilo laumwini limatithandiza ‘kudziŵa bwino m’lifupi, m’litali, kukwela, na kuzama’ kwa coonadi. (Aef. 3:18) Limatithandizanso kuti tikhale opanda cifukwa cotineneza naco, osalakwa m’dziko lino loipa komanso “kugwila mwamphamvu mawu amoyo.” (Afil. 2:15, 16) Pa phunzilo laumwini timasankha nkhani zimene tifuna kuphunzila. Tingacite ciani kuti tizipindula mofikapo pamene tiŵelenga na kuphunzila Baibo?

MMENE TINGACITILE:

• Congani mavesi na kulemba mfundo m’Baibo yanu yopulinta kapena ya pa cipangizo

• Poŵelenga Mawu a Mulungu, dzifunseni mafunso aya: ‘N’ndani? N’ciani? Liti? N’kuti? Cifukwa ciani? Motani?’

• Pezani mfundo. Seŵenzetsani zida zofufuzila zimene zilipo. Mungafufuze mwa kuseŵenzetsa mutu wa nkhani kapena lemba

• Muzisinkha-sinkha zimene mwaŵelenga kuti muone mmene mfundozo zingakuthandizileni mu umoyo wanu

• Seŵenzetsani zimene mwaphunzila mu umoyo wanu.—Luka 6:47, 48

TAMBITSANI VIDIYO YAKUTI PITILIZANI “KUGWILA MWAMPHAMVU” MWA KUCITA PHUNZILO LAUMWINI LOPINDULITSA, NDIYENO YANKHANI MAFUNSO AYA:

• Kodi ena amacita bwanji phunzilo laumwini?

• N’cifukwa ciani tifunika kupemphela tisanayambe phunzilo laumwini?

• N’ciani cingatithandize kuimvetsa bwino Baibo?

• Ni zizindikilo zanji zimene tingaike m’Baibo imene timaseŵenzetsa?

• N’cifukwa ciani kusinkha-sinkha n’kofunika poŵelenga Mawu a Mulungu?

• Kodi tiyenela kucita nazo ciani zimene timaŵelenga?