Kumene Mungapeze Ciyembekezo mu 2024—Kodi Baibo Ikutipo Ciyani?

Anthu ambili amaona kuti palibe njila yothetsela mavuto amene adzakhudza dziko lonse mu 2024. Ngakhale n’telo, tingakhale na ciyembekezo ca tsogolo labwino. Kodi tingacipeze kuti?

Baibo imatipatsa ciyembekezo

Baibo inalonjeza kuti Mulungu adzacotsapo mavuto amene amapangitsa kutaya ciyembekezo masiku ano. Posacedwa, Mulungu “adzapukuta misozi yonse mʼmaso [mwathu] ndipo imfa sidzakhalaponso. Sipadzakhalanso kulila, kubuula kapena kupweteka.”—Chivumbulutso 21:4.

• Kuti mudziŵe zambili za malonjezo a m’Baibo a za m’tsogolo, ŵelengani nkhani yakuti “Tiziyembekezera Kuti Zinthu Zidzakhala Bwino M’tsogolo.”

Mmene Baibo ingakuthandizileni pali pano

Baibo imatipatsa ciyembekezo ca tsogolo labwino. Ciyembekezoci cingakuthandizeni kuti musataye mtima komanso kuti muziona zinthu m’njila yoyenela. (Aroma 15:13) Malangizo a m’Baibo angakuthandizeni kulimbana na mavuto amene mumakumana nawo pali pano, monga umphawi, kupanda cilungamo, komanso matenda.

• Onani mmene ciyembekezo cimene Baibo imapeleka cinathandizila mwamuna wina amene anakulila m’banja losauka kukhala na mtendele komanso cimwemwe. Tambani vidiyo yakuti Juan Pablo Zermeño: Yehova Ananithandiza Kukhala na Umoyo Waphindu.

• Onani mmene Baibo ingakuthandizileni mukamadziimba mlandu, mukakhumudwa, mukakhala na nkhawa, komanso pamene munthu amene mumakonda wamwalila. Ŵelengani nkhani yakuti “Kodi M’Baibulo Mungapezeke Mawu Omwe Angandilimbikitse?”

• Onani mmene msilikali wina amene anati anali “munthu wovuta komanso wosasamala za ena,” anapezela ciyembekezo m’Baibo. Tambani vidiyo yakuti Ndinasiya Usilikali.

Cititsani kuti caka ca 2024 cikhale cabwino kwa inu na banja lanu. Phunzilani zambili za mmene Baibo ingakuthandizileni. Yambani kuphunzila Baibo kwaulele mothandizidwa na munthu wina. Dziŵani mmene Mulungu angakupatsileni “mtendele” pali pano, komanso “tsogolo labwino ndi ciyembekezo cabwino.”—Yeremiya 29:11.