Gwilitsilani Nchito Mphamvu ya Mau a Mulungu mu Ulaliki

Munthu akatilola kukamba naye za uthenga wabwino, timagwilitsila nchito bwino mwai umenewo ndipo timalola mphamvu ya Mau a Mulungu kugwila nchito mwa kuŵelenga m’Baibulo mwenimwenimo. Mfundo imeneyi inagogomezedwa caka catha pa msonkhano wapadela. Woyang’anila dela anakamba nkhani ya mutu wakuti: “Gwilitsilani Nchito Mphamvu ya Mau a Mulungu mu Ulaliki.” Kodi mukumbukila mfundo zazikulu za m’nkhaniyo?

• N’cifukwa ciani mau a Yehova ndi amphamvu kwambili kuposa mau athu?—2 Tim. 3:16, 17.

• Kodi Baibulo limatithandiza bwanji kukhala ndi maganizo abwino, zolinga zabwino komanso makhalidwe abwino?—Onani Nsanja ya Olonda ya June 15, 2012, tsa. 27, ndime 7.

• Tikamaŵelengela anthu malemba mu ulaliki, kodi tingagwilitsile nchito motani Mau a Mulungu m’njila yakuti aziwalemekeza?—Onani buku la Sukulu ya Utumiki pa tsa. 148, ndime 3-4 ndi Utumiki Wathu wa Ufumu wa March 2013 tsa. 6, ndime 8.

• N’cifukwa ciani tiyenela kufotokoza ndi kukambilana ndi anthu malemba amene taŵelenga? Nanga tingacite bwanji zimenezi?—Mac. 17:2, 3. Onani Buku la Sukulu ya Utumiki tsa. 154, ndime 4 mpaka tsa. 156, ndime 5.