Yobu Anakhalabe Wokhulupilika Pamene Anali Kuyesedwa

Yobu anali kukhala m’dziko la Uzi, pa nthawi imene Aisiraeli anali akapolo ku Iguputo. Ngakhale kuti sanali Mwiisraeli, Yobu anali wolambila Yehova wokhulupilika. Anali ndi banja lalikulu, cuma cambili, ndipo anali munthu wacitsanzo cabwino m’dela lake. Anali mlangizi wolemekezeka ndi woweluza wopanda tsankho. Anali kuthandiza anthu aumphawi ndi ovutika. Yobu anali munthu wokhulupilika.

Yobu anaonetsa kuti Yehova ndi wofunika kwambili paumoyo wake

1:8-11, 22; 2:2-5

• Satana anadziŵa kuti Yobu anali wokhulupilika. Sikuti iye anatsutsa zakuti Yobu anali kumvela Mulungu, koma, anakaikila zolinga za Yobu

• Satana anakamba kuti Yobu anali kutumikila Yehova cifukwa ca dyela

• Kuti atsutse bodza la Satana limeneli, Yehova analola kuti Satana aukile munthu wokhulupilikayu. Satana anaononga zinthu zonse zimene Yobu anali nazo

• Yobu atakhalabe wokhulupilika, Satana anayamba kukaikila kukhulupilika kwa anthu onse

• Yobu sanacimwe kapena kuimba Mulungu mlandu wakuti ndiye anacititsa mavuto amene anakumana nao