Omukanda Wa Vali wa Samuwele
11 Konthyimbi yenima,* pononthiki onohamba mbwenda movilwa, Ndaviti atumu Sowambe nae novaundapi vae, novita vyo Isilayeli vakahanye-po ova Amoo, avelisete no Lambaa,+ mahi Ndaviti wesalele mo Selusalei.+
2 Nthiki imwe kokangulohi,* Ndaviti apindukapo otyo aenda-enda keulu liondywo* yohamba. Etyi eli keulu liondywo, ohamba Ndaviti amono omukai ukahi nokulikoha, omukai umwe omuwa. 3 Ndaviti atumu omunthu aovole okunoñgonoka olie omukai oo. Avemupopila okuti: “O Mbate-Semba+ omona wa Eliyau,+ tembwaa Uliya,+ omu Hete.”+ 4 Ndaviti atumu ovanthu vemwete kwe.+ Etyi eya, Ndaviti alala nae.+ (Otyo wetyilinga etyi omukai eli nokulisukula.*)+ Pahe omukai akondoka keumbo.
5 Omukai alingi omulemi, atumu vakapopile Ndaviti okuti: “Ame ndyimulemi.” 6 Mokonda yotyo, Ndaviti atumu ondaka ku Sowambe, ati: “Uliya omu Hete, eye kuno.” Sowambe atumu Uliya ku Ndaviti. 7 Etyi Uliya ehika, Ndaviti emupulu oñgeni Sowambe eli, ovakwa-vita veli ñgeni, oñgeni ovilwa vili nokweenda. 8 Ndaviti apopila Uliya ati: “Enda keumbo, kapululukwe-po kapii.” * Etyi Uliya atunda meumbo liohamba, avemutumu otyiawa tyatunda kohamba.* 9 Uliya ahaende keumbo liae, mahi alala kombundi yondywo yohamba novaundapi vakwavo va tatekulu yae. 10 Avapopila Ndaviti okuti: “Uliya kaile keumbo.” Ndaviti apulu Uliya okuti: “Ove wehika pahetyino. Omokonda yatyi wahailile keumbo?” 11 Uliya akumbulula Ndaviti okuti: “Otyikasa,+ novalume ova Isilayeli nova Sundaa vekahi monohinge, omutumini wange Sowambe novaundapi va tatekulu yange vaonga onthanda moluhandya. Oñgeni ame mandyii keumbo, andyikalia, nokunwa, andyilala nomukai wange?+ Natukaila umwe ove una omwenyo hamba,* himalingi otyipuka otyo!”
12 Ndaviti apopila Uliya okuti: “Kala vali kuno onthiki ike, muhuka na wende.” Uliya akala mo Selusalei onthiki oyo, nonthiki yalandula-ko. 13 Pahe Ndaviti emukongo eye okulia nae, nokunwa, emukoleswa. Tyina tyiti kongulohi Uliya aende akalangalapo poula wae kumwe novaundapi va Tatekulu yae, keumbo ahaende. 14 Komuhuka watyo Ndaviti ahonekela omukanda Sowambe eutumu Uliya. 15 Ngwe wahoneka-mo wati: “Pakei Uliya komutwe movilwa, apa pena omaswalali onondyale apama vali. Onwe amulihahe konyima, amumusipo aike, vemuvange ankhie.”+
16 Sowambe waile-ale akalava epunda-umbo, apake Uliya apa ei okuti pena ovita viatyo viokwapama vali. 17 Etyi ovalume vo mepunda-umbo vakatuka, avakalwisa Sowambe, vamwe povaundapi va Ndaviti avaipawa. Uliya omu Hete o umwe pu ava vankhia.+ 18 Sowambe atumu vapopile Ndaviti atyiho tyikahi nokulingwa movilwa. 19 Apopila omutumwa-ndaka okuti: “Nga wamana okupopila ohamba atyiho tyikahi nokumoneka movilwa, 20 tyipondola mainumana, aikupulu okuti: ‘Omokonda yatyi mwailako, amulwila popepi nepunda-umbo? Ine kamutyii okuti vapondola okumuyahela keulu liotyimato? 21 Olie waipaa Ambimeleke+ omona wa Selumbesete?+ Ha mukai wemwipaele nemanya liokukunkha keulu liotyimato, emwipaela ko Tembe? Omokonda yatyi mwafwenena popepi notyimato?’ Ove mupopila okuti: ‘Omuundapi wove Uliya omu Hete, nae wankhia.’”
22 Ngootyo, omutumwa-ndaka aende, akapopila Ndaviti atyiho Sowambe emutuma. 23 Omutumwa-ndaka apopila Ndaviti okuti: “Omaswalali avo apama vali kwoonthwe, aeya okutulwisila moluhandya. Mahi onthwe atwelwisa, atwelandula atee kombundi yepunda-umbo. 24 Ovayahi avayahela ovaundapi vove keulu liotyimato, ovaundapi vamwe vohamba vankhia. Nomuundapi wove Uliya omu Hete, tupu nae wankhia.”+ 25 Ndaviti apopila omutumwa-ndaka okuti: “Popila Sowambe okuti: ‘Wehesuke no otyo, ovanthu aveho vankhia-le komutunga. Twalako okulwisa epunda-umbo atee muvetilisa.’+ Tupu mupameka.”
26 Omukai wa Uliya etyiivi okuti omulume wae waipawa, ahimbika okulila. 27 Etyi ononthiki mbomutambo mbapwa, Ndaviti atumu vekemupole, akala omukai wae,+ avatyiti omona omukwendye. Etyi Ndaviti alinga atyinumanesa unene* Siovaa.+