Selemiya
47 Ei ondaka ya Siovaa yeya komuuli Selemiya ipopia ova Filisitiya,+ pweetyi nkhele Falaoo ehenelwise o Ngasa. 2 Etyi otyo tyapopia Siovaa wati:
“Tala! Omeva oyoo eya atunda kombanda.
Omeva maanyingiya eheke onthwitwi novipuka vili-ko.
Omaande atyo maeyula motyilongo, no movipuka aviho vikala-mo,
Epunda-umbo naava vakala-mo.
Ovalume mavakaulula onkhu,
Ovanthu vakala motyilongo mavekeliyava.
3 Pomuuno womakondyo ononkhambe ononthwei,
Pomuhindo womatemba ovilwa,
Omuuno womalola atyo ekahi nokuywela,
Ovohe kamavaleuka kovana veveyovole,
Mokonda omavoko avo maakasosoloka,
4 Mokonda oyoo iya onthiki yokuhanya ova Filisitiya aveho;+
5 Epela* maliya Ngasa.
Asikeloo utupu omate okupopia.+
6 Meywei! Mutunga wa Siovaa!+
Mokatalama nalupi?
Kondoka motyilalo tyove.
Pululukwa, hiliya.*
7 Mahi mautalama ñgeni
Tyina o Siovaa weupa otyitumino?
Weutuma ko Asikeloo, konthyengeso yelunga,+
Oko oko eunakela.”