Oviimbo

65 Huku yange, omunkhima ukukevelela mo Siyau.+

Etyi twapopile otyo matulingi.+

 3 Ononkhali mbange mbukahi nokunkhama,+

Mahi ove weevela ononkhali mbetu.+

 4 Una ehambu oyouna ove uholovona omweta ponthele yove,

Opo akale mokati komapata ove.+

Onthwe matukekuta ovipuka oviwa vyo mondywo yove,+

Ondywo yove ikola.*+

 5 Ove moketukumbulula novipuka viaviuka+ vihuvisa,

Huku yeyovo lietu.

Ovanthu aveho vakala kombanda yohi+ mavakayumba onthumbi mwoove,

Na vana vakala kokule-kule nthele ina elunga.

 6 Ove* una evililo enene.

Ove* waika-po onomphunda nononkhono mbove.+

 7 Ove* utuliya onyengo yelunga,+

Utuliya epuku-puku liomakufi-kufi alio nonondyaya mbovanthu vovilongo.+

 8 Ovanthu vokukala kokule-kule mavakakala nonthilo onene nomanyingilikilo ove.+

Vana vatunda koutundilo no koutakelo, mokeveimbisa nehambu.

 9 Ove uyunga nawa ohi,

Wiininisa nawa aiyele ovikuna ovinyingi.+

Ondongi ya Huku yeyula omeva.

Ove uveavela ovilia.+

Ongootyo watunga ohi.

10 Uyulisa omikungu viayo, oviukisa nawa omapia* ayo alimwa.

Ove wiineñgenesa novitande viombila, oyelesa nawa atyiho tyimena-ko.+

11 Uhiwiswa enima nomutima wove omuwa.

Mondyila yove mweyula ovipuka oviwa.*+

12 Omalihilo omoluhandya ayova*+ unene,

Ovipunda viavala ehambu.+

13 Omalihilo eyula ovipako,

Momilola mweyula* ovilia.+