Omukanda Wononkhalamutwe mbo Nombangi

Vaivisi Voviwa Ovipe:

Otyiwa okuundapela Huku yetu Siovaa kumwe noonwe! Twapewa otyilinga tyihupisa omienyo viovanthu tyokuvelongesa oviwa ovipe Viouhamba wa Huku, mahi motyilinga otyo “onthwe tuundapa na Huku.” (1 Kol. 3:9; Mat. 28:19, 20) Opo tutyivile okulinga ovilinga ovio vikahi nokulingwa mouye auho, tuna okwonganekwa nawa. — 1 Kol. 14:40.

Omukanda ou maukukwatesako okunoñgonoka oñgeni ovipuka meongano lya Siovaa vilingwa. Upopia ovilinga mokala navio mokonda pahe noove Umbangi ya Siovaa. Ine ulikwatehila olingi nawa ovilinga upewa, onthumbi yove mu Siovaa ‘maipame’ vali. — Ovil. 16:4, 5; Ngal. 6:5.

Naina lilongesa umwe nawa omukanda ou, olingi umwe atyiho welilongesa. Ine kunembatisalwe, ovipuka patyi una okulinga umbatisalwe okala Ombangi ya Siovaa? Ine wambatisalwa-le, oityi una okulinga uundape vali unene movilinga vya Siovaa? (1 Tim. 4:15) Oityi ove una okulinga opo mewaneno lienyi mukale ombembwa? (2 Kol. 13:11) Omukanda ou maukumbulula omapulo oo aeho.

Ine ove umukwendye wambatisalwa, oityi una okulinga ukale omukwatesiko wovakulu vewaneno, haa okala omukulu wewaneno? Mokonda ovanthu ovanyingi veli nokuya meongano lya Siovaa, kwesukisa ovakwendye vambatisalwa, vapama motyili opo valulike ovilinga. Omukanda ou maupopi omokonda yatyi wesukisila ‘okulikwatehila’ umwe upewe ovilinga ovio. — 1 Tim. 3:1.

Onthwe tukwiitilako opo Siovaa ekukwateseko okwovola ovilinga meongano liae, tyina wamevipewa ovilingi umwe nawa. Onthwe tumuhole unene amuho. Apeho tulikwambela opo noove ukakale mouye omupe, omu atuho matukafenda Tate yetu Siovaa atee-tee. — Ovii. 37:10, 11; Isa. 65:21-25.