Huku Ukahi Nokukuovola

OMOKONDA YATYI VAMWE VENA ONDIMA: Ovanyingi vetavela Huku mahi velitehela ngatyina ekahi kokule navo. Christina woko Irlanda wenda kokapela onosimanu ambuho, wati: “Ame Huku ndyimusoka ngatyina omutungi vala wovipuka aviho. Mahi ame himwii. Nalumwe nelitehelele okuti ndyipanga liae.”

ETYI ONDAKA YA HUKU ILONGESA: Tyina tulitehela ngoti tuavomba, Jeova ketuyekepo. Jesus walingile ongeleka yo ñgeni Huku etutekula, etyi ati: “Inkha omulume umwe una onongi 100, iya imwe aivombo, kasipo onongi 99 konomphunda akaovola ina yavomba?” Otyo tyilongesa tyi? “Tupu, hatyiwako pala Tate yange keulu, pavombe imwe po nongi mbae.”​—Mateus 18:12-14.

Kese ike “po nongi ombo, ” ku Huku yakolela unene. Oñgeni Huku “akaovola ina yavomba”? Ngetyi tyalekesa otestu yapopiwa pombanda, Jeova ukokela ovanthu kwe.

Tala oñgeni Huku alinga tyina ahanda okukokela kwe ovanthu vomutima omuwa. Kotyita tyotete, P.K., Huku watumine omulongwa Omukristau Filipe ekelivase nomutumini omu Etiopia na apopie nae etyi tyihangununa eulo limwe Liombimbiliya ankho ekahi nokutanga. (Atos 8:26-39) Konyima, Huku watumine apostolu Petulu akatalelepo omutumini wo Roma utiwa Korneliu, ankho ukahi nokulikuambela nokuovola okufenda Huku. (Atos 10:1-48) Tupu, Huku wahongolelele apostolu Paulu nomapanga ae okuenda no kondongi kondye yepundaumbo lio Filipu. Oko vavasako omunthu “ufenda Huku” utiwa o Lidia “Jeova emuikula omutima opo atehelele nawa.”​—Atos 16:9-15.

Mononkhalelo ombo, Jeova walekesa okuti tyotyili vana ankho vekahi nokumuovola vena omphitilo yokumunoñgonoka. Ovalie hono vekahi nokuenda-enda momaumbo na pana pakala ovanthu okulongesa Ombimbiliya konthele ya Huku? Ovanyingi vapondola okukumbulula okuti, “Onombangi mba Jeova.” Lipula: ‘Okuti Huku ukahi nokuundapesa ovanthu ovo opo andyovole? Tuhanda ulumbane okulikuambela ku Huku na akumbulule ononkhono ukahi nokulinga mbokuhika kwea