Oñgeni Matuundapesa Omukanda “Mantenha-se no Amor de Deus” Pala Okuhimbika Okulongesa Ovanthu Ombimbiliya
1. Omukanda “Amor de Deus” walingilua tyi?
1 Tuatambula nehambu enene omukanda omupe “Mantenha-se no Amor de Deus!” Motyonge Tyononthiki Ononthatu “Hongolelwa Nospilitu ya Huku.” Namphila nkhele omukanda Amor de Deus kaukahi molunyaneka, mupondola okuundapesa omukanda oo moputu pala okulongesa ovanthu Ombimbiliya. Ngetyi tuapopilwa, omukanda ou, kawalingilue pala okulongesa omalongeso otete Ombimbiliya, mahi, o pala okutukuatesako okunoñgonoka, nokukala nohole novitumino via Jeova konthele yovituwa. Kamatuave omukanda ou movilinga viokuivisa umbo na umbo.
2. Oñgeni matuundapesa omukanda oo? Iya ovalie mavalongesiwa momukanda oo?
2 Omukanda ou walingua pala okulilongesa novalongwa tyina vamamane omukanda Ombimbiliya Ilongesa. Hinangela okuti onkhalelo yovanthu yokunoñgonoka otyili nokutyiundapesa momuenyo wavo yelikalela. Tyina ulongesa omulongwa uhalinge ono palagrafu ononyingi, mahi inkha ekahi nokunoñgonoka nawa upondola okuyawisako. Tupu tala nawa inkha omulongwa ekahi umue nokunoñgonoka etyi ukahi nokumulongesa. Omukanda ou kawalingilue pala okuhimbika okulilongesa na vana velilongesale omikanda ominyingi kohale, mahi, otyo vahaende komaliongiyo, nokuhahande okuendehila omuenyo wavo motyili Tyombimbiliya.
3. Oityi tuna okulinga inkha tukahi nokulongesa omunthu momukanda Adore a Deus?
3 Inkha ukahi nokulongesa omunthu momukanda “Adore a Deus”, iya mukahi monokapitulu mbahulililako, upondola okumahula omukanda oo, iya opopila omulongwa wove opo atualeko aike okutanga omukanda “Amor de Deus.” Inkha utala okuti tyesukisa okuhimbika okulilongesa momukanda omupe, himbikila konthyimbi. Ngetyi tulinga nomukanda Ombimbiliya Ilongesa, tyitei kuove inkha motange o Apendice nomulongwa ine umutolela ekeitange aike.
4. Oityi tuna okulinga inkha omulongwa wetu ambatisalwa otyo nkhele ehenemane okulilongesa omukanda “Ombimbiliya Ilongesa,” nomukanda “Amor de Deus”?
4 Inkha omulongwa ambatisalua otyo nkhele ehenemane okulilongesa omikanda aviho, una okutualako okulilongesa nae alo amana omukanda “Amor de Deus.” Namphila omulongwa ambatisaluale, upondola okuvalula oola, no revisita, no estudu. Omuivisi ukahi nove, nae upondola okuvalula oola.
5. Oñgeni tupondola okuundapesa omukanda “Amor de Deus” pala okuvatela ovaivisi vana vayekapo ovilinga viokuivisa?
5 Inkha uholovonwa nomukuatate Wokomisau Yovilinga Mewaneno pala okulilongesa Ombimbiliya naumue wayekapo ovilinga viokuvisa, oe upondola okukupopila ovikapitulu patyi molilongesa nae momukanda “Amor de Deus.” Kuesukisile okutualako okulilongesa nae omuvo omunyingi. Tyotyili, omukanda oo omupe wapongiyua pala okutukuatesako okutualako okuendela “mohole ya Huku!”—Judas 21.