Okuundapesa Onotratadu Tyiyandyanesa Onondaka Onongwa
1. Oñgeni onotratadu mbuhole okuundapeswa novanthu va Huku?
1 Tunde kohale ovanthu va Jeova vaundapesa ono tratadu mbapolwa Mombimbiliya opo vayandyanese onondaka onongwa. Menima 1880, C. T. Russell na vana ankho aundapa navo avahimbika okulinga omikanda vitiwa Bible Students’ Tracts (Onotratadu Mbovalilongesi Vombimbiliya), ambuavelwa ovatangi vo Watch Tower opo vembuavele ovanthu. Onotratadu ankho mbakolela unene, moluotyo etyi C. T. Russell menima 1884 ahonekesa kovatumini eongano lia Huku liundapa opo lituale nokomutwe Ouhamba wa Huku tyihaiti onombongo, ondaka “tratadu” yahonyekwa menyina Zion’s Watch Tower Tract Society, hono limwe okuti Watch Tower Bible and Tract Society of Pennsylvania. Alo 1918, ovalilongesi Vombimbiliya ankho vayandyanesa onotratadu mbalamba pono miliau 300. Alo hono onotratadu mbukuatesako okuava oumbangi.
2. Omokonda yatyi onotratadu mbukuatesako?
2 Omokonda Yatyi Mbukuatesako: Onotratadu mbaunda nawa nokukoka ovanthu. Onondaka mbukahimo mbupameka nokulonga tyihasete. Mbupondola okuhambukilwa kese munthu uhole omikanda. Onotratadu kambupuiya okumbuavela ovanthu, alo ovaivisi ovape novana vetyivila. Tupu hanonene kambupuiya okumbutyinda.
3. Popiapo ongeleka una ine ikahi momikanda elekesa okuti onotratadu mbakolela.
3 Ovanthu ovanyingi vahimbika okulilongesa otyili nonotratadu. Mongeleka omukai umwe ko Haiti wavasa otratadu imwe metapalo. Eikoyopo, eitange, apopi okuti “navasa otyili!” Konyima aende Kondyuo Yomaliongiyo, ehimbika okulilongesa Ombimbiliya, ambatisalwa, atyiho otyo, omokonda yepondolo Liondaka ya Huku avasa motratadu.
4. Mohanyi matuave onotratadu olipi ehando lietu?
4 Umbo-na-Umbo: Mokonda onotratadu mbukuatesako unene okuava oumbangi, matumbuave mo nohanyi mbumwe okuhimbikila mu Kuhuhu. Etyi tuhanda hakuava vala onotratadu, mahi opala okuhimbika nambo etompho. Inkha omunthu watomphola nae ine una wakatalelapo wesuka notyili, upondola okumulekesa oñgeni tyililongeswa Ombimbiliya nomukanda Ombimbiliya Ilongesa ine omukanda omukuavo wokulilongesa. Oñgeni matuave onotratadu pokuivisa umbo-na-umbo? Onotratadu mbelikalela, tuesukisa okunoñgonoka nawa vana tumbuavela.
5. Oñgeni tupondola okuava onotratadu movilinga viokuivisa umbo-na-umbo?
5 Pokuava tuna okutala otratadu, nomasuka omunthu. Tupondola okuhimbika etompho mokuava otratadu komunthu. Kondye yalingwa monkhalelo ikalesa nolumbwe, omunthu opo akale nesuko. Ine tupondola okumulekesa onotratadu mbelikalela atuiti apolepo ei ahanda. Tyina tuundapa pomaumbo ovanthu vehetavela okuikula onombundi tupondola okumulekesa otratadu ine tumuita tuipake mombuelo yepito liae naapopie etyi asoka. Inkha osapi epulo, tupondola okuita omunthu elikumbulule. Ine tupondola okulinga epulo malimuhambukiswa nokuhimbika etompho. Tupondola okutanga nomunthu onthele imwe yotratadu, tyina tuamavasi epulo atutalamapo katutu, atuiti omunthu apopie etyi asoka. Onotestu mbukumbulula omapulo mbutangwa mo Mbimbiliya. Tyina tuamamane okutomphola, tupondola okupopia etyi tuelilongesa nokulaa okukondoka opo tumutalelepo. Inkha mewaneno lienyi tyitavela okusapo omikanda momaumbo muhena ovanthu, tupondola okusa otratadu pana pahamoneka tyina meumbo muhena omunthu.
6. Oñgeni tupondola kuivisa no notratadu metapalo?
6 Oumbangi Momatapalo: Okuti tuhole okuava onotratadu pokuivisa momatapalo? Vamwe tuvasa pamwe valumbaana unene iya kavahande okutalama opo tutomphole. Otyo tyipondola okupuiya okutala vana vesuka notyili. Mokonda katutyii inkha wesuka notyili, nokuhena onthumbi yokuti inkha tumuavela omukanda mekeutanga, oityi tuhemuavelela vala otratadu? Mokonda otratadu kondye yehiwa nawa nokuna onondaka mbehehi, omunthu upondola okuhambukilwa okuitanga tyina ena onominutu mbehehi. Mahi, inkha omunthu kalumbanene, tupondola okutomphola nae ononthele mbumwe mbo tratadu.
7. Popiapo ongeleka ilekesa oñgeni tupondola okuava onotratadu tyina tuhekahi movilinga viokuivisa.
7 Tyina Tuhekahi Movilinga Viokuivisa: Tyapepuka okuava oumbangi no notratadu. Omukuatate umwe upaka onotratadu mondyepelo tyina atunda meumbo. Tyina avasa omunthu, emuavela. Tyina ovalinepi vamwe ankho venda Kepundaumbo lio Nova York okukapila, ankho vetyii okuti mavelivasiko novanthu vovilongo ovinyingi. Moluotyo ankho vatyinda omukanda Boas Novas no notratadu mbomalaka elikalaila. Tyina vavasa omunthu upopia elaka ekuavo ulandesa metapalo ine upumphi ponthele yotyikunino ine omombale, vemuavela otratadu yelaka liae.
8. Omonkhalelo patyi onotratadu mbukahi ngombuto?
8 “Waya Ombuto Yove”: Onotratadu mbukahi ngombuto. Ovalimi vakuva ombuto mokonda kavetyii oipi maimene nokukula. Eclesiastes 11:6 yati: “Kuna ombuto yove komuhuka, okuoko kuove kuhapululukue alo kokangulohi, mokonda kutyii opi maikayela, tyikale apa ine opopo, ine ambuho mambukaavela nawa.” Ngotyo, tupondola “okukuva enoñgonoko” no notratadu mbukuatesako unene movilinga viokuivisa.—Prov. 15:7.
[Olutalatu pefo 3]
Mokonda onotratadu mbukuatesako unene okuava oumbangi, matumbuave mo nohanyi mbumwe okuhimbikila mu Kuhuhu