Otyilinga Tyetu Tyokutunga Nokuviukisa Onondyuo Mbefendelo Liotyotyili

Kohale ankho, ova Isilayeli opo vatunge ondyuo ya Huku, vesukisile okuundapa unene, tupu ankho vaave etyi venatyo. Namphila ankho vesukisa okulinga ovipuka ovio aviho, mahi ova Isilayeli vakalele nombili. (1 Crô. 29:2-9; 2 Crô. 6:7, 8) Etyi ondyuo ya Huku yapwa okutungwa, oupanga ova Isilayeli vena na Huku ankho utalelwa kokuviukisa ondyuo oyo. (2 Reis 22:3-6; 2 Crô. 28:24; 29:3) Hono Ovakristau valinga ononkhono mbokutunga Onondyuo mbomaliongiyo, Nonondyuo Mbovionge iya nokukombamo nokumbuviukisa. Okuundapela kumwe na Jeova movilinga ovio, elao limwe enene tunalio, iya tyilinga onthele mefendelo lietu.—Sal. 127:1; Rev. 7:15.

ETYI TUNA OKULINGA . . .

• 

  Tuna okuliava pala okukomba apeho Monondyuo mbomaliongiyo tyina eliongiyo liamapu. Ankho okukomba kumetyivili, olisu ikahi ponthele yove weheisepo.

• 

  Tuna okusukula apeho Ondyuo Yomaliongiyo kumwe na vakuetu, atuiviukisa. Okuundapela kumwe na vakuetu tyitukalesa nehambu. —lv 92-93 § 18.

• 

  Tuna okuava etyi tunatyo. Alo umwe tupondola okuava ‘onombongo tunambo namphila mbehehi.’ Ankho tuaava nomutima auho matuhambukiswa Jeova.​—Mar. 12:41-44.

• 

  Tuna okuliava pala okuundapa movilinga viokutunga onondyuo mbovilinga via Huku nokumbuviukisa inkha tyitavela. Okuliava movilinga viokutunga katyesukisile okukala omunongo.