OMUENYO WETU WOUKRISTAU
Vakuendye—Muehelikondolei Okunyingila ‘Pepito Liahandyuka’
Pamwe upondola okusoka okuti motualako vala noukuendye ngetyi nkhele ukahi, ya osoko okuti kumamono “ovitateka vitundilila” kekulupo mouye uno wa Satanasi. (Ecl. 12:1) Inkha nkhele umukuendye ine umuhikuena, okuti wafuapo opo ukale novilinga meongano, ngetyi ovilinga viokuivisa omuvo auho?
“Omuvo novitateka viuhulukila ovanthu aveho,” alo umwe ovakuendye novahikuena. (Ecl. 9:11) ‘Ove kutyii etyi matyikumonekela muhuka.’ (Tia. 4:14) Moluotyo, uhelikondole okuvasa ovilinga meongano. Nyingila “Pepito liahandyuka pala ovilinga,” tyina nkhele liaikuka pala ove. (1 Cor. 16:9) Kumelivele.
Ovilinga vimwe upondola okuvasa meongano lia Huku ovievi:
Okuivisa melaka ekuavo
Okukala omukokoli-ndyila
Okuenda monosikola mbo Mbimbiliya
Okutunga onondyuo mbouhamba
Okuundapa mo mbetele
Okukala omutalelipo womawaneno