Okuyawisa Kounongo Wetu Movilinga Viokuivisa Okuava Oumbangi Nokamela Ine o Interfone

OMOKONDA YATYI TYESUKISILA: Mokonda ovivi vikahi nokuliyawisa unene, hono ovanthu vekahi nokupaka ovikamela nono interfone momaumbo avo. Pamwe tupondola okukala nowoma wokupopila onondaka onongwa omunthu tuheete mahi ngwe utuete. Omahinangeleso aa maetukuatesako okuava oumbangi.

OITYI UNA YOKULINGA:

• Wahasoke okuti kamavekutavela. Ovanthu ovanyingi vokuapaka ovikamera nono interfone momaumbo avo, vetavela umwe okutomphola nonthue.

• Hinangela okuti ovikamera nono interfone mbuhimbika okungalavala tyina ove nkhele uhenemangepo-ale iya tyipondola hamwe tyina ove uhungi vala pombundi vo meumbo vekuluete-ale.

• Tyina vomeumbo vamekutavela popia navo ngatyina muliete. Linga ngetyi uhole okulinga tyina upopia nomunthu uluete. Popia umwe onondaka wafuiika. Ine meumbo omo muna ovikamera, wahafuene-po unene otyipala. Tupu inkha petupu ou wavasa-mo, uhasepo ondaka naike.

• Hinangela okuti tyina muamamane okutomphola nkhele nongotyo vekuluete iya tupu vekuivite.