Okuyawisa Ounongo Wetu Wokuivisa​—Pokukumbulula Nawa Vana Vateta Etompho

Tyakolela Mokonda Yatyi: Soka ñgeno wamona otyiponga tyikahi popepi. Ovanthu mavankhi inkha kavaende nkholo. Ove oende ukalondole ovomunthele yove, mahi avehetavela avati onthwe tuna ovilinga. Tyotyili, ove kumeveyeke liwa-liwa ohalingi ononkhono mbokuvekuatesako! Ovanthu ovanyingi potyilongo tyetu kavesukile, kavaimbuka esilivilo lionondaka mbeyovo. Tyina tukevetalelapo, hamwe vasukalala vala novilinga viavo. (Mat. 24:37-39) Ine hamwe kavesukile vali notyili mokonda yomatutu amwe veiva. (Mat. 11:18, 19) Vapondola okupopia okuti onthwe katukahi monongeleya mbuna ovituwa ovivi. (2 Ped. 2:1, 2) Ankho omunthu umwe kalekesile esuko, katupondola vala okumuyeka.