Yakulila Oupanga Wove na Siovaa

Onombangi Mba Siovaa vena elao limwe enene. Mokonda tuvakilisitau velipakula ku Siovaa, tupondola okukala omapanga Ae. Ine tulinga ononkhono, oupanga wetu na Tatekulu yetu Siovaa, mautualako okupama. Oe wetukonga tete mokuatuma omona wae. (Suau 6:44) Ngwe utehela omalikuambelo etu. — Sal. 34:15.

Oñgeni tupondola okuyakulila oupanga wetu na Siovaa? Tyesukisa okuhalingi ovipuka viapenga ngevi ova Isilayeli valingile. Siovaa walingile omphango nova Isilayeli ankho iveavela omphitilo yokukala omapanga Ae. Mahi konyima avelilingila otyilolo tyonthane yo olu, avelipake mokufenda otyikahuku. (Êxo. 32:7, 8; 1 Kol. 10:7, 11, 14) Onthue tuna okulipula okuti: ‘Oityi ndyihole okulinga tyina ndyina olusoke luokulinga etyi tyapenga? Okuti etyi ndyilinga tyilekesa okuti ndyipanda oupanga wange na Siovaa?’ Mokonda tuhole Tate yetu Wokeulu, matulityilika okulinga ovipuka vina eyele. — Sal. 97:10.

TALA OVIDIU YOKUATI: YUNGA OUPANGA WOVE NA SIOVAA (KOLO. 3:5). KONYIMA, AMUKUMBULULA OMAPULO AA:

• Okupeleya oityi?

• Omokonda yatyi okuvaka, nokufenda ovikahuku otyivi?

• Omonkhalelo patyi oumbalehi welifwa nokufenda ovikahuku?

• Omokonda yatyi omukuatate una ovilinga meongano lya Huku esukisila apeho okutala kuetyi omukai wae esukisa?