Suka Novanthu

Oityi Sesusi Alingile?

OVINDIU: Ovo Sesusi Nomukai omu Samaliya Ponyombo

1. Tala OVINDIU, okuti hatyo, tanga Swau 4:6-9. Pahe haa osoko komapulo aa:

1. Oityi Sesusi amona momukai omu Samaliya pokwehenehimbike okutomphola nae?

2. Sesusi wati: “Nwise-po-vo.” Otyipuka etyi Sesusi ahimbika ñgaa etompho tyikahi nawa mokonda yatyi?

Oityi Tulilongesila ku Sesusi?

2. Matukala vala netompho likahi nawa, tyina tuhimbikila kweetyi omunthu esuka natyo.

Hetekela Sesusi

3. Pepuka omutima. Pokuhimbika etompho wahaanyene vala mweei ove weya nayo. Himbikila kweetyi vakwenyi veli nokusoka tyiyemba kouye uno. Lipula ñgaa:

1. ‘Oityi ovanthu veli nokupopia vali unene ononthiki ombu?’

2. ‘Ava twelitungaila navo, naava tuhimama navo, oityi vali vapopia?’

4. Tala nawa. Lipula ñgaa:

1. ‘Oityi omunthu ou eli nokulinga? Mokutala, okutyi eli nokusoka?’

2. ‘Wavala-tyi, wavala ñgeni, wahambukwa, wanumana, meumbo liae muna-tyi tyipopia evi etavela neevi ehetavela, novituwa vyo potyilongo tyavo?’

3. ‘Okuti tyitavela umwe okupopia nae pahetyino?’

5. Tehelela nawa.

1. Wahapopie unene.

2. Mwene muyeka apopie etyi tyili komutima wae. Ine tyitavela, pokutomphola otyo umupula ovipuka vimwe.