POKUHIMBIKA ETOMPHO
ELONGESO 2
Endeka Nawa Etompho
Etyi Ombimbiliya ipopia: “Ondaka, ilinga ongwa okwipopia momuvo waviuka!” — Omih. 15:23.
Oityi Filipi Alingile?
1. Tala OVINDIU, okuti hatyo, tanga Ovilinga 8:30, 31. Pahe haa osoko komapulo aa:
Okutyi Filipi ahimbikila etompho?
Oityi tutila Filipi wapopia umwe nawa pokuhimbika etompho, etyivili okupopia otyipuka omu Etiopia ankho ehei?
Oityi Tulilongesila ku Filipi?
2. Ine tweendeka umwe nawa etompho, omunthu matyimupepukila vali okupopia etyi asoka, noonthwe atutyivili okumupopila ei tweya nayo.
Hetekela Filipi
3. Tala nawa. Otyiwa okutala oñgeni omunthu akala kotyipala, neetyi eli nokulinga tyina apopia. Tyina umutala ñgaa wahanda umwe okutomphola noove? Opo upopile omunthu otyili ty’Ombimbiliya, upondola vala okuhimbika ñgaa: “Ove utyii-ale okuti . . . ?” Wahatutumbise vala omunthu wahahandele okutomphola noove.
4. Pwa elundo. Wahahimbike vala liwa nokupopia etyi tyili m’Ombimbiliya. Kevelela-po kapii, atee pahe utala tyitavela okupopia-po etyi tyili m’Ombimbiliya. Otyo tyilekesa okuti, pamwe mamutomphola umwe nomunthu atyehetavela okupopia-po etyi tyili m’Ombimbiliya, okevela onthiki onkhwavo haa mamutomphola vali.
5. Talela kweei omunthu eya nayo. Etompho pamwe lipondola okwenda nooku wahavalula-le. Tyina tyamaende ngootyo, popia umwe etyi omunthu esuka vali natyo, ohapopi vala ei ove weya nayo.