POKUHIMBIKA ETOMPHO
ELONGESO 5
Popia Nounkhengela
Etyi Ombimbiliya ipopia: “Onondaka mbenyi apeho mbulinge onongwa.” — Kolo. 4:6.
Oityi Paulu Alingile?
1. Tala OVINDIU, okuti hatyo, tanga Ovilinga 17:22, 23. Pahe haa osoko komapulo aa:
Oñgeni Paulu akalele etyi amona oviso viomalongeso omatutu omo Atena? — Tala Ovilinga 17:16.
Paulu katile evi ova Atena valongeswa momakapela avo ha viotyotyili-ko. Oityi tutila Paulu wali onkhengela pokwahimbikila kweevi vetavela opo evepopile oviwa ovipe?
Oityi Tulilongesila ku Paulu?
2. Ovanthu mavetutehelela vala, tyina tusoka umwe nawa kweetyi matupopi, oñgeni matutyipopi, naapa matutyipopila.
Hetekela Paulu
3. Soka nawa kweetyi mopopi. Ine utomphola nomunthu wehei Kilisitu, una okutala nawa oñgeni moendeka etompho upopie etyi tyili m’Ombimbiliya, no pokupopia Sesusi.
4. Wahalumbane vala nokuti etyi apopia hatyo-ko. Mwene muyeka umwe apopie etyi asoka. Ine upopia etyi tyilipona neetyi Ombimbiliya ipopia, mwehelitesei onkhango. (Tia. 1:19) Ine umutehelela umwe nawa, monoñgonoka evi etavela, neetyi evitavelela. — Omih. 20:5.
5. Tyina tyetavela, noove tavela etyi apopia, omupandula. Tyipondola ngwe utavela umwe okuti etyi eli nokulongeswa mokapela kavo otyo otyili. Nkhele popia otyipuka tyimwe amuho mutavela, pahe omukwatesako anoñgonoke etyi Ombimbiliya ipopia.