POKUHIMBIKA ETOMPHO
ELONGESO 6
Kola Omutima
Etyi Ombimbiliya ipopia: “Onthwe atukolo umwe omutima atupamena mu Huku yetu, onwe atumupopila umwe oviwa ovipe.” — 1 Tes. 2:2.
Oityi Sesusi Alingile?
1. Tala OVINDIU, okuti hatyo, tanga Luka 19:1-7. Pahe haa osoko komapulo aa:
Oityi ovanthu ankho vahahandela Sakeu?
Oityi tyatwaile Sesusi kokupopila Sakeu oviwa ovipe?
Oityi Tulilongesila ku Sesusi?
2. Noonthwe tuna okukola omutima tutyivile okupopila ovanthu oviwa ovipe Viouhamba, atwahatale kovipala.
Hetekela Sesusi
3. Yumba onthumbi mu Siovaa. Omphepo ya Huku oyo yapele ononkhono Sesusi etyivili okwivisa, noonthwe maitwavela ononkhono atwivisa. (Mat. 10:19, 20; Luka 4:18) Ita ku Siovaa ekupe ononkhono na utyivile okwivisa ava vekutilisa owoma. — Ovil. 4:29.
4. Wahatale kovipala. Pamwe tupondola okutila owoma okutomphola nomunthu mokonda vala yeetyi ekahi, pamwe omokonda una-tyo, watanga unene, una-le ongeleya yae. Mahi otyiwa okusoka okuti:
Ovo Siovaa na Sesusi ovo vatala etyi tyili momutima womunthu, onthwe katutyivili.
Petupu ou wahatele mokankhenda ka Siovaa.
5. Tyahanda okuti ove wakola omutima, ove onkhengela, ove walunguka. (Mat. 10:16) Mwehelitesei onkhango. Ine utala ñgaa omunthu kesukile-ale nokutehela oviwa ovipe, hamwe noove tyina ulitehela ñgaa kutyii etyi mopopi, mulekela vala nawa, omuyeke. — Omih. 17:14.