Ounkhembi Wike, Utuala Kounkhembi Omukuavo

APOSTOLU Paulu otyo ahonekelele Ovakristau votete okuti, “lungukei.” Ankho wevelondola konthele yatyi? “Opo pahakale nawike umutyindapo ngononkhuatwa mbae, nomalongeso omatutu, noviso viovanthu, ovipuka viomouye vihatundilila ku Kristu.”—Colossenses 2:8.

Namphila ankho kohale Paulu evelondolele, mahi, Ovakristau vamwe ankho vahimbika okulongesa omalusoke ovanongo vomouye, pala okuhangununana omatavelo avo. Omokonda yatyi? Ankho vahanda ovanthu vokuatanga Mouhamba wo Roma vevetavele, opo vakale novalongwa ovanyingi.

Justino Martir, umwe ankho wankhimana vali po Vakristau ovo, ankho utavela okuti Omutumwa-ndaka wa Huku, welilekesale kovanongo vo Gresia kohale, etyi Jesus nkhele eheneye. Justino novalongesi ovakuavo ankho vokulongesa omalusoke oo, vati okunkhinga ounongo wouye nounkhembi momalongeso Ovakristau, tyotyili tyayandyanesa vali ongeleya ouye auho.

Justino Martir walingile ovalongwa ovanyingi nonkhalelo yae yokulongesa omalongeso Ovakristau. Anthi, okunkhinga ounkhembi motyili, tyaeta ounkhembi omunyingi, hono utavelwa novanthu ovanyingi okuti omalongeso Ovakristau. Pala okuimbuka ounkhembi oo, eleka etyi tyapopia omikanda vimwe, netyi Ombimbiliya ilongesa, monthele mailandulako.

[Ehangununo liolutalatu pefo 3]

Devil: Barrators​—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence