Ounkhembi wa 2: Onondingavivi Mbumona Ononkhumbi mo Ifelunu
Ounkhembi oo watuka pi? Omukanda umwe wati, “Povanongo aveho vo Gresia, ou wankhimanene vali unene konthele yelongeso lio Ifelunu, o Plato.”—Histoire des enfers (Ehipululo lio Iferno), wa Georges Minois, pefo 50.
“Tunde pokati kenima 200 AD, Ovakristau vamwe ankho valongeswa ounongo mo Gresia, vahimbika okukala nehando liokupopia ku vakuavo ekolelo liavo . . . Elongeso ankho liaviuka vali kuvo, [elongeso lia Plato].”—The New Encyclopædia Britannica (1988), Volume 25, pefo 890.
“Elongeso Liongeleya ankho lipopia okuti kuna o ifelunu ihapu. Tyina onondingavivi mbunkhia, liwa-liwa onohande mbavo mbuenda mo ifelunu, muna mambukamona ononkhumbi, ‘mbotupia tuhapu.’ Ononkhumbi mbavilapo mbo ifelunu, okuayapulwa ku Huku omuvo wahapu.”—Catechism of the Catholic Church, 1994 edition, pefo 270.
Oityi Ombimbiliya ipopia? “Tyetyi ovanthu vokuna omuenyo vetyii okuti mavankhi, mahi vokuankhia, kavei vali natyike, . . . mokonda Melangalo omphangu omu moende mutupu ovilinga, nokusoka, nenoñgonoko, nonondunge.”—Eclesiastes 9:5, 10, Revised Standard Version.
Ondaka yo Hebreu Sheol, ipunguhuna “omphangu yo vokuankhia,” mo no Mbimbiliya mbumwe yapitiyua okuti “oifelunu”. Oityi ovihonekwa ovio vilekesa konthele yonkhalelo yo vokuankhia? Okuti vekahi nokumona ononkhumbi Kondyembo opo vapate ononkhali mbavo? Au, “kavei vali natyike.” Otyo, Job puetyi ekahi mononkhumbi ononene mokonda youvela omunene, aitilile ku Huku okuti: “Nthyoleke mo ifelunu [mo Hebreu Sheol ].” (Jó 14:13; Douay-Rheims Version) Inkha Oifelunu yali omphangu yemone lihapu, etyi aita ñgeno katyisilivila? Mo Mbimbiliya, Oifelunu, elangalo liovanthu aveho, muna muhena vali ovilinga.
Ehangununo olio lio ifelunu, kaliaviukile vali nawa, nokuelikuata no Vihonekwa? Onkhali patyi onene omunthu alinga, pala Huku woluembia emumonese ononkhumbi mbahapu? (1 João 4:8) Mahi, inkha oifelunu yotupia ounkhembi, okuti okukakala keulu natyo ounkhembi?
[Ehangununo liolutalatu pefo 5]
Tyieleka no noversikulu ombu mbo Mbimbiliya: Salmo 146:3, 4; Atos 2:25-27; Romanos 6:7, 23.
[Ehangununo liolutalatu pefo 5]
OTYILI:
[Ehangununo liolutalatu pefo 5]
Huku kahitisa ovanthu mo ifelunu
[Ehangununo liolutalatu pefo 5]
Barrators—Giampolo/The Doré Illustrations For Dante’s Divine Comedy/Dover Publications Inc.