Oityi Ombimbiliya Ipopia?

Ouhamba wa Huku Oityi?

OVANTHU VAMWE VETAVELA okuti otyilekeso tyoutumini wa Huku tyili momutima womunthu; ovakuavo vasoka okuti ononkhono ovanthu valinga opo vaete ombembwa nohole mouye. Oityi ove usoka?

ETYI OMBIMBILIYA IPOPIA

“Huku yo keulu makavialeka ouhamba umwe uhakahanyuako nalumwe. . . . Maukahanyako omauhamba atyo aeho[ovanthu] nokuenyimako.” (Daniel 2:44) Ouhamba wa Huku outumini wotyotyili.

OITYI VALI TUPONDOLA OKULILONGESA MO MBIMBILIYA?

• Ouhamba wa Huku outumini wo keulu.​—Mateus 10:7; Lucas 10:9.

• Huku uundapesa Ouhamba oo opo afuisepo ehando liae keulu na pano pohi.​—Mateus 6:10.

Onalupi Ouhamba wa Huku mauya?

OKUTI OVE UPONDOLA OKUTI?

• Nawike utyii

• Apa katutu

• Nalumwe

ETYI OMBIMBILIYA IPOPIA

“Onondaka ombu onongwa Mbouhamba wa Huku, mambukaiviswa kombanda yohi aiho, pala oumbangi movilongo aviho iya konyima onthyulilo aiya.” (Mateus 24:14) Tyina onondaka onongwa mbamaiviswa, Ouhamba wa Huku mauya okuhanyako ouye uno wovivi.

OITYI VALI TUPONDOLA OKULILONGESA MO MBIMBILIYA?

• Nawike pano pohi wii nawa-nawa onalupi Ouhamba wa Huku mauya.​—Mateus 24:36.

• Omaulo Ombimbiliya alekesa okuti Ouhamba wa Huku apa katutu mauya.​—Mateus 24:3, 7, 12.