Ove Ukahi Apeho Nokulikondola?
Okulikondola okulinga tyi? Okuhoneka potyikalatau Diretrizes Antecipadas Relativas a Tratamentos de Saúde e (outorga de procuração) tyalingwa pala Onombangi mba Jeova vokuambatisalwa. Mokonda ‘ove kutyii etyi tyipondola okukutumbukila muhuka,’ tyakolela utokole pahetyino, okuhoneka potyikalatau tyove ovihemba patyi uhanda okuhakulwa navio tyina wamatumbukilwa nouvela wesukisa liwa ombatelo. (Tia. 4:14; Atos 15:28, 29) Opo uvatelwe, kualingwa ovideo Tratamentos Alternativos à Transfusão: Atendendo às Necessidades e aos Direitos do Paciente. Tala ovideo, olikuambela iya otange omapulo ekahi pombuelo, opo utale inkha wanoñgonoka etyi watala.—Ehinangeleso: Mokonda movideo muna omalutalatu amue ovanthu vekahi nokutandwa, ovohe vena okutokola inkha mavatale ovideo oyo novana.
(1) Omokonda yatyi onondotolo vekahi nokutala nawa otyitateka tyokupaka ovanthu ohonde? (2) Popia onongeleka ononthatu mbovanthu vatandwa tyahapakelwe ohonde. (3) Onondotolo onoñgapi mouye auho valekesa okuti vahanda okuhakula nokutanda ovanthu tyahapake ohonde? Omokonda yatyi vahandela okuhakula ovanthu tyihena ohonde? (4) Oityi onondotolo mo nosipitali vanoñgonoka pahetyino konthele yokuhakula nohonde? (5) Ovitateka patyi vitundilila kokupakwa ohonde? (6) Oityi onondotolo ononyingi vapopia konthele youwa wokuhakula novihemba ovikuavo tyihena ohonde? (7) Oityi tyikalesa omunthu tyihena ohonde? Omunthu upondola okutualako nomuenyo nohonde yehehi ilifuepi? Oityi tyipondola okulingwa pala okuvatela ovavei vehena ohonde? (8) Oñgeni ono (globulos vermelho) ine ohonde ipondola okulundwa opo iliyawise molutu luomunthu? (9) Ounongo patyi vehole okuundapesa opo omunthu ahapesele ohonde onyingi tyina atandwa? (10) Okuti tyitavela okuundapesa ovihemba ovikuavo kovana ovatutu novanthu ovakuavo vavela unene, tyahapakwa ohonde? (11) Otyitumino patyi tyakolela tyilekesa okuti tuesukisa okuovola onkhalelo ongwa yokuhakulwa? (12) Omokonda yatyi tyakolela unene Ovakristau vaholovone pahetyino onkhalelo patyi yokuhakulwa ihena ohonde vahanda? Oñgeni tupondola okutyilinga?
Kese munthu wesukisa okutokola inkha metavela ine maanye ononkhalelo mbumue mbokuhakulwa mbalekeswa mo video. Okuti watokolale ovihemba patyi utavela pala ove muene novana vove? Ombangi ya Jeova una okupopila ombunga yae yehelilongesa Ombimbiliya konthele yetokolo alinga, no mokonda yatyi alingila etokolo olio.—Tala onthele yati “Perguntas dos Leitores” mo Sentinela 15 ya Junho yo 2004, no wa 15 ya Kulindi yo 2000, ambuho meleka lio putu. Nonthele yati, “Como encaro as frações de sangue e os procedimentos médicos que envolvem o uso de meu próprio sangue?” ikahi mo Vilinga Vietu Viouhamba ya Kuhuhu yo 2006, nayo moputu.