Okuti Walingale Etokolo Liove?
Mo nosipitali ononyingi mouye auho, vekahiale nokutanda ovanthu avehevepake ohonde. Okuti wanoñgonokale ononkhalelo mbumue mbokuhakula tyihena ohonde? Ove wesukisa okumbunoñgonoka opo utyivile okulinga etokolo liaviuka konthele yokuhakulwa, nokutandwa. Tala o video Sem Sangue — A Medicina Encarou o Desafio. Tyina wamatale ovideo, likuambela iya otange omapulo ekahi pombuelo, opo utale inkha wanoñgonoka etyi watala.—Ehinangeleso: Mokonda movideo muna omalutalatu amue ovanthu vekahi nokutandwa, ovohe vena okutokola inkha mavatale ovideo oyo novana.
(1) Omokonda yatyi Onombangi mba Jeova kavetavelela okupakwa ohonde? (2) Konthele yokuhakulwa, oityi Onombangi mba Jeova vapeleya? (3) Ovavei vena epondolo liokulinga tyi? (4) Omokonda yatyi tyaviukila okuholovona ononkhalelo ononkhuavo mbokuhakulwa? (5) Tyina omunthu ehena ohonde, oityi onondotolo vena okulinga? (6) Ovitumino patyi vikuana vina okulandulua opo omunthu ahapakwe ohonde? (7) Oityi onondotolo mbupondola okulinga opo omunthu (a) ahamomese ohonde onyingi, (b) opo ono globulu ononkhuhu mbahatunde mohonde, (c) opo ohonde ihimbike okuliyawisa, (d) nokukala vali nohonde ina ankho ena molutu? (8) Hangununa oityi (a) o hemodiluição, no (b) recuperação yono selula putyina omunthu ekahi nokutandwa. (9) Oityi ove ñgeno uhanda okunoñgonoka konthele yononkhalelo mbumue mbokuhakulwa tyihapakwa ohonde? (10) Okuti tyitavela omunthu wokuna ouvela umue wepuiya okutandwa tyihapakwa ohonde? (11) Ovipuka patyi oviwa vikahi nokulingwa no nondotolo tyilekesa okuti vekahi nokuenda nokomutue?
Kese munthu wesukisa okutokola inkha metavela ine maanye ononkhalelo mbumue mbokuhakulwa mbalekeswa mo video. Okuti watokolale ovihemba patyi utavela pala ove muene novana vove, nokutyihoneka motyikalatau Diretrizes Antecipadas Relativas a Tratamento de Saúde Outorga de Procução? Opo unoñgonoke vali onthele oyo, pitulula nawa onthele “Perguntas dos Leitores”, mo Sentinela 15 ya Junho yo 2004, no ya 15 ya Outubro yo 2000, ambuho meleka lio putu. Tupu, tala mo suplemendu ina onthele yati “Como Encaro as Frações de Sangue e os Procedimentos Médicos Que Envolvem o Uso de Meu Próprio Sangue?” ikahi mo Vilinga Vietu Viouhamba ya Novembro yo 2006, nayo moputu, opo utokole inkha motavela ine moanye. Tyina wamakala nonthumbi yetokolo walinga, tyihoneka potyikalatau tyove. Ombangi ya Jeova una okupopila ombunga yae yehelilongesa Ombimbiliya konthele yetokolo alinga, no mokonda yatyi alingila etokolo olio.
[Okakasa pefo 3]
• Okuti watokolale onkhalelo patyi yokuhakulwa utavela pala ove muene novana vove?
• Okuti ove apeho utyinda otyikalatau tyove tyohonde Diretrizes Antecipadas Relativas a Tratamento de Saúde Outorga de Procução, tyahonekwa nawa, opo tyikuvatele tyina wamavasiwa notyiponga?