Okuti Ove Wahonekale?
Okuhoneka tyi? Okuhoneka motyikalatau Diretrizes Antecipadas Relativas a Tratamentos de Saúde e (outorga de procuração) tyalingwa pala Onombangi mba Jeova vokuambatisalwa. Mokonda ‘ove kutyii etyi tyipondola okukutumbukila muhuka,’ tyakolela utokole pahetyino, okuhoneka potyikalatau tyove ovihemba patyi uhanda okuhakulwa navio tyina wamatumbukilwa nouvela wesukisa liwa ombatelo. (Tia. 4:14; Atos 15:28, 29) Opo uvatelwe, kualingwa ovideo Tratamentos Alternativos à Transfusão de Sangue: Atendendo às Necessidades e aos Direitos do Paciente. Tala ovideo, olikuambela iya otange omapulo ekahi pombuelo, opo utale inkha wanoñgonoka etyi watala.—Ehinangeleso: Mokonda movideo muna omalutalatu amwe ovanthu vekahi nokutandwa, ovohe vena okutokola inkha mavatale ovideo oyo novana.
(1) Omokonda yatyi onondotolo vekahi nokutala nawa otyitateka tyokupaka ovanthu ohonde? (2) Popia onongeleka ononthatu mbovanthu vatandwa tyahapakelwe ohonde. (3) Onondotolo onoñgapi mouye auho valekesa okuti vahanda okuhakula nokutanda ovanthu tyahapake ohonde? Omokonda yatyi vahanda okutanda ovanthu tyahapake ohonde? (4) Oityi onondotolo mo nosipitali vanoñgonoka pahetyino konthele yokuhakula nohonde? (5) Ovitateka patyi vitundilila kokupakwa ohonde? (6) Oityi onondotolo ononyingi vapopia konthele youwa wokuhakula novihemba ovikuavo tyihena ohonde? (7) Oityi tyikalesa omunthu tyihena ohonde? (8) Oñgeni ono (globulos vermeho) ine ohonde ipondola okulundwa opo iliyawise molutu luomunthu? (9) Ounongo patyi vehole okuundapesa opo omunthu ahapesele unene ohonde onyingi tyina atandwa? (10) Okuti tyitavela okuundapesa ovihemba ovikuavo kovana ovatutu novanthu ovakuavo vavela unene, tyahapakwa ohonde? (11) Otyitumino patyi tyakolela tyilekesa onkhalelo ongwa yokuhakula? (12) Omokonda yatyi tyakolela unene Ovakristau vaholovone pahetyino onkhalelo patyi yokuhakulwa ihena ohonde vahanda? Oñgeni tupondola okutyilinga?
Kese munthu wesukisa okutokola inkha metavela ine maanye ononkhalelo mbumwe mbokuhakulwa mbalekeswa mo video. Okuti watokolale ovihemba patyi utavela pala ove muene novana vove nokutyihoneka motyikalatu Instruções e Procuração para Tratamento de Saúde? Opo unoñgonoke vali konthele oyo, tala nawa omukanda “Mantenha-se no Amor de Deus,” okapitulu 7, nononthele ononkhuavo mbukahimo mbupopia konthele oyo. Tupu tala onthele yati “Como Encaro as Fracções de sangue e os Procedimentos Médicos Que Envolvem o Uso de Meu Próprio Sangue?” ikahi mo Nosso Ministério do Reino ya Novembro yo 2006. Kala nonthumbi yokuti wahoneka nawa atyiho waholovona motyikalatau tyove Instruções e Procuração para Tratamento de Saúde. Ombangi ya Jeova una okupopila ombunga yae yehelilongesa Ombimbiliya konthele yetokolo alinga, no mokonda yatyi alingila etokolo olio.
[Ehangununo liolutalatu pefo 3]
• Okuti watokolale ovihemba patyi utavela pala ove muene novana vove?
• Inkha pamoneka otyitateka, okuti ove utyinda apeho otyikalatau tyove Instruções e Procuração para Tratamento de Saúde?