Oityi Matupopi Konthele Yomutala Womulavi no Despertai!
A Sentinela de 1 de Maio
“Ovitateka vikahi nokuliyawisa mononthiki mbetu, vikahi nokulingisa ovanthu vamue okulipula inkha tukahi nokuhitiswa na Huku. Oityi ove usoka? [Yeka omunthu akumbulule. Iya otange 1 João 4:8.] Omutala ou Womulavi upopia omokonda yatyi Huku haeko ukahi nokuetako ovitateka ovio.” Lekesa onthele ikahi Momutala Womulavi pefo 30.
Despertai! de Maio
Tanga Mateus 6:10. Iya opulu okuti: Nthiki imue welipuliliale olipi ehando lia Huku pala oohi? [Yeka omunthu akumbulule.] Ombimbiliya ipopia okuti Huku ankho una ehando pala oohi tunde ponthyimbi, mahi ehando olio kaliapilulukile. O Despertai ei ipopia konthele yotyo.” Lekesa onthele ikahi mo Despertai! pefo 10.
A Sentinela de 1 de Junho
Ehipululo Liombimbiliya konthele ya Noe, Nombila Onene, liiwe nawa. Ove usoka okuti tyotyili Ombila Onene yalokele umue? [Yeka omunthu akumbulule.] Mahi, Jesus wapopile konthele Yombila Onene etyi apopia konthele yetyi matyikapita konthyulilo youye uno. [Tanga Lucas 17:26, 27.] Omutala ou Womulavi utuavela omahunga omanyingi pala okutavela kehipululo Yombila Onene, tupu upopia etyi tupondola okulilongesila kehipululo olio.”
Despertai! de Junho
“Okutekula ovana katyapepukile, haunene tyina ovana vehika momuvo womapiluluko omanene. Opi ove usoka okuti ovohe vapondola okuvasa onondonga mbakolela? [Yeka omunthu akumbulule. Iya otange Isaías 48:17, 18.] O Despertai ei ina onondonga mbumue mbakolela pala okuvatela ovohe okulinga ovipuka nounongo, nenoñgonoko.”