Oityi Matupopi Konthele Yomutala Womulavi no Despertai!
Omutala Womulavi 1 ya Pepo Linene
Tanga Mateus 24:3. Iya opopi okuti: “Ovanthu vamue vasoka okuti epulo olio lipopia konthele yonthyulilo yoohi. Ove usoka okuti oohi maikahanyaunuako? [Yeka omunthu akumbulule.] Ekumbululo lia Jesus litupopila otyipuka tyimue tupondola okukevelela—hantyuliloko youye, mahi, onthyulilo yotyipuka otyikuavo. Omutala ou Womulavi upopia konthele yotyo.” Lekesa apa pekahi onthele oyo.
Despertai! ya Maio
“Ovalongesi vamue vapopia okuti inkha tulinga ovipuka vihambukiswa Huku, oe metuavela omalumono. Mahi, ove hamue wii ovanthu valinga ovipuka oviwa, mahi, ovahepi. Ove usoka okuti Huku uhanda onthue tukale ovahona? [Yeka omunthu akumbulule. Iya otange Hebreus 13:5.] O Despertai! ei ihangununa oñgeni Huku etuavela ononkhano onongwa.” Lekesa apa pekahi onthele oyo.
Omutala Womulavi 1 ya Kakwenye
“Hono kuna omikanda ominyingi vikuatesako okutekula ovana, vilongesa okukala nohole, nokulongesa ovanthu okufuisapo omahando avo muene. Okuti ove wavasa ombatelo momikanda ovio? [Yeka omunthu akumbulule.] Ovanthu ovanyingi vetavela elondolo eli liakolela. [Tanga 2 Timóteo 3:16.] Omutala ou Womulavi uhangununa omokonda yatyi tupondola okuyumba onthumbi Mombimbiliya nokutavela onondonga mbakolela mbukahimo.”
Despertai! ya Junho
“Ngetyi ove utyii, ovanthu vamue vasoka okuti okupolapo eimo tyapenga, ovakuavo vasoka okuti tyaviuka. Ove usoka okuti Ombimbiliya ipondola okukuatesako omunthu okutokola oityi malingi? [Yeka omunthu akumbulule. Iya otange 2 Timóteo 3:16, 17.] O Despertai! ei ilekesa oityi Ombimbiliya ipopia konthele yotyo.”