‘Enyina Lia Huku Lisukukiswe’
1. Oipi osapi yotyonge tyononthiki onombali tyenima lio 2012 iya opi yapolwa?
1 Tuna elao liokutyinda enyina Liohamba Youye Auho, Jeova! Huku oe muene wetuavela enyina liae, iya haunene okupolelela mo 1931, onthue Onombangi mba Jeova, tuimbukilwa kenyina enene lia Jeova. (Isa. 43:10) Omona wongunga wa Huku, Jesus, ankho upanda unene enyina lia Huku, otyo etyilekesa melikuambelo alongesa ovalanduli vae. (Mat. 6:9) Monondaka mba Jesus omo muapolwa osapi yotyonge tyetu tyononthiki onombali tyenima lio 2012. Osapi yati, “Enyina Lia Huku Lisukukiswe.”
2. Oityi tukevelela okutehelela?
2 Oityi Matutehelela: Elongomona lio Tyasapalo liati, “Ivisa Enyina lia Huku Mokuundapa Movilinga Viomuwo Auho” malipopi omokonda yatyi ovilinga viomuvo auho vieta ononkhano onongwa. Elongomona liayapulua ononthele lina osapi yati, “Lunguka opo Uhasilise Enyina Lia Jeova,” malitukuatesako okulityilika okukuatwa nomaliva ekuana. Omapulo: Oityi matyitukuatesako okuivisa nombili tyina ovanthu vahalekesa unene esuko? iya Oityi matyitukuatesako okufuisapo nawa ovilinga vietu viokuivisa? Maakumbululwa melongomona liati, “Omokonda yatyi Enyina Lia Huku Lina Okusukukiswa.” Mo Tyalumingu matuhambukwa okutehelela elongomona liayapulwa ononthele ononkhuana malipopi oñgeni tupondola okusukukisa enyina lia Huku momalusoke etu, momupopio, nomatokolo, no movituwa. Ovanthu mavakalapo otyikando tyotete, mavahambukwa okutehelela elongomona enene liati, “Jeova Masukukisa Enyina Liae Enene mo Armagedon.”
3. Elao patyi tuna, iya oñgeni otyonge matyitukuatesako?
3 Apa katutu Jeova masukukisa enyina liae. (Eze. 36:23) Tupu, tuna elao limwe enene liokuendela movipuka aviho vielikuata kumwe nenyina likola lia Jeova. Tuna onthumbi yokuti otyonge tyononthiki onombali matyikuatesako kese umwe puonthue okufuisapo otyilinga tyetu tyokutyinda enyina lia Huku.