Oityi Tyikahi mo?

Olio epulo ewa pala okulinga konthele ya kese mukanda tusoka okuava. Omukanda welionya, nokuasila, nokuakuenguka ine watanduka, kaupandesa eongano no nondaka onongwa mbukahimo.

Oñgeni matukala apeho nomikanda viasukuka? Ovanyingi tyivekuatesako okuonganeka nawa opasita yavo yovilinga viokuivisa, opo omikanda viavo vikale tyapungululwa nawa. Mopasita oyo, muna omboloso yomikanda, onkhuavo Yomutala Womulavi no Despertai! no nombrochula, onkhuavo yo notratadu, novikuavo vali. Apeho tyina vakondola mopasita Ombimbiliya yavo nomukanda vaundapesa, vevipaka mo nawa opo vihelionye. Ovaivisi vamwe vatyinda omikanda viavo mo kapa ine onopasita mbo plastico. Namphila tutyinda omikanda monkhalelo yelikalela, mahi katuhande okuavela omunthu ehunga liokupopia omapita ovilinga vietu viokuivisa, mokonda tuemuavela omikanda vielionya.—2 Cor. 6:3.