Undapesa Nounongo Omikanda

Jesus wati: “Muetyipewa otyali, nonwe tyavei otyali.” (Mat. 10:8) Onthue tuendela nawa melondolo liayandyuluka lia Jesus tyina tuhakuluminya ovanthu okutambula Ombimbiliya ine omikanda omikuavo. (2 Cor. 2:17) Mahi, omikanda ovio vina onondonga mbakolela unene mbatunda Mondaka ya Huku. Tyesukisa okulinga ononkhono, nokuyeka onombongo ononyingi pala okulinga omikanda, nokuvituma komawaneno mouye auho. Ngotyo, tuna okupolapo vala vina tuesuka.

Tyina waava omikanda kovanthu tala nawa, alo umwe tyina ukahi nokuava oumbangi mounyingi. (Mat. 7:6) Tyihe kuava vala omikanda kovanthu, linga ononkhono mbokupopia navo opo unoñgonoke inkha vesuka umwe navio. Okuti ove upondola okukumbulula okuti yoo kese epulo likahi mokakasa ­pombuelo? Inkha weete okuti omunthu ngoti kesukile, opo muavela vala otratadu. Inkha utuita Omutala Womulavi ine omukanda omukuavo opo tupondola okumuavela.​—Pro. 3:27, 28.