Omapulo Akumbululwa

◼ Oityi matyilekesa okuti tupondola okuavela omunthu omukanda?

Otyipuka tyotete esuko omunthu eOtyipuka tyotete esuko omunthu ena. Inkha alekesa okuti wasuka tyotyili, tupondola okumuavela Omutala Womulavi, o Despertai!, ombrochula, ine omukanda omukuavo tukahi nokuava. Tumuavela namphila aava onombongo mbehehi ine utupu opo akuateseko ovilinga vietu ouye auho. (Jó 34:19; Rev. 22:17) Anthi, katupondola okuava omikanda vietu viakolela, komunthu uhasukile navio. —Mat. 7:6.

Oñgeni omunthu apondola okulekesa okuti wasuka? Elekeso eewa, o putyina ahanda okutomphola nonthue. Utehelela tyina tupopia, ukumbulula omapulo, upopia etyi oe asoka, nae unyingila metompho. Tyina alandula etyi tukahi nokutanga Mombimbiliya, tyilekesa okuti una onthilo no Ndaka ya Huku. Ovikando ovinyingi, tyitukuatesako okumupula inkha matange omukanda matumuavela. Ovaivisi vesukisa okupunga nawa opo vaimbuke esuko kese munthu ena. Tyina tuava oumbangi momatapalo, hatyiwa okuava vala omikanda, no nombrochula, kovanthu valamba. Inkha katuetyivilile okupunga nawa esuko liomunthu, hahe tumuavele otratadu.

Tupu, kese muivisi wesukisa okutambula vala omikanda esukisa movilinga viae viokuivisa, katambula okutala mo nombongo ehole okuava. Onombongo mbuawa kambufete omikanda, anthi o pala okukuatesako atyiho tyesukisa movilinga viokuivisa vilingwa ouye auho. Tyilinge tuna onombongo ononyingi ine tutupu, esuko malituhindila okuawa etyi tuatokola nomutima wetu, ha vihupe, opo tukuateseko ovilinga Viouhamba wa Huku. (Mar. 12:41-44; 2 Cor. 9:7) Tupu, matyitukuatesako okutambula vala omikanda tuesukisa, opo tuhapesele olumono lwa Huku.

[Ehangununo liolutalatu pefo 2]

Ovaivisi vesukisa okupunga nawa opo vaimbuke esuko kese munthu ena