Onkhalelo Ongwa Yokupanda Oviimbo Viouhamba

Ovaumbili va Huku vatala oku Ovaumbili va Huku vatala okuti oviimbo otyali otyiwa vapewa na Jeova. (Tia. 1:17) Momawaneno omanyingi vehole okuhikisa nehambu oviimbo Viouhamba, pokuhimbika nokumanuhula omaliongiyo avo ewaneno. Okuhikisa oviimbo Viouhamba, onkhalelo ongwa yokutuliepesa momaliongiyo. Tyitukuatesako okupongiya omutima wetu pala efendelo. Tupu, okuhika oviimbo ovipe viomukanda wetu woviimbo, tyitukuatesako okunoñgonoka oviimbo, nokuviimba monkhalelo yaviuka. Okuhika oviimbo ovio konyima yeliongiyo, tyipameka aveho vekahipo, putyina velipameka nomatompho apameka. Ngotyo, ovakulu vewaneno vesukisa okulipakelamo opo vahikise oviimbo viomukanda Cantemos a Jeová—Acompanhamento em piano, tyina eliongiyo lihenehimbike na tyina liamapu. Vipondola okuhikiswa monkhalelo imwe yahaviele unene opo ovanthu vetyivile okutomphola.