“Upondola Okupola Esilivilo Komutala Womulavi Wapekuka?”

Kukahi nokulingwa Omutala Womulavi wokulilongesua mo Ingelesi yapekuka vali. Omutala oo walingua (1) pala ovaivisi vapopia o ingelesi, opo vapoleko esilivilo, mokonda hamwe kevelilongesile unene elaka olio; (2) pala ovaivisi vana o Ingelesi helaka liavoko; (3) pala ovakuendye novafikuena, okukutikinyamo vana vahatengele unene na vana vekahi mosikola yapola pokati; (4) pala ovalongwa vo Mbimbiliya vesukisa o Ingelesi yapepuka, opo vanoñgonoke vali nawa ondaka ya Huku.

Omuvalu wo no palagrafu, nomapulo, no nosapi, vielifwa vala na una tulilongesale. Etyi matyililongeswa tyike vala, mahi onondaka mbo Mutala oo mbapepuka vali. Namphila omuendesi Womutala Womulavi na una matange mavaundapesa una tulilongesale, vokuna Omutala wo Ingelesi yapepuka, mavamono onotestu, nomalutalatu elifwa nomunkhuavo. Tupu mavetyivili okulandulamo tyina ono palagrafu mbutangwa, no kuava omakumbululo.

Kese umwe utyii okuti maumukuatesako, upondola okuita Omutala oo, komukuatate wava omikanda mewaneno.