Testemunhas de Jeová—Fé em Ação, Parte 2: Deixam a Luz Brilhar
Etyi omukuatate Rutherford na vakuavo vayovoka mokaleya mo 1919, ankho kuna ovilinga ovinene komutwe vikevelela Ovalilongesi Vombimbiliya. Ngetyi tyilekesa o video Testemunhas de Jeová—Fé em Ação, Parte 2: Deixam a Luz Brilhar, Ovalilongesi Vombimbiliya ankho vakevela okuyalwa novanthu ovanyingi, nokutualako okuyawisa enoñgonoko liavo lio Vihonekwa, nokupameka vali ekolelo liavo. (Pro. 4:18; Mal. 3:1-3; João 15:20) Tyina wamatale ovideo, kumbulula omapulo aa.
(1) Oityi Ovalilongesi Vombimbiliya vaundapesa opo vayandyaneke onondaka onongwa? (2) Oityi tyapopiwa motyonge tyavilapo tyo 1931 no tyo 1935? (3) Oityi tyakolela tyapopiwa mo Momutala Womulavi 1 ya Kuhuhu yo 1939? (4) Popia otyityi tyapita mo Madison Square Garden, mokueenda kuelongomona lio Mukuatate Rutherford liokuati: “Outumini Nombembwa.” (5) Oityi ankho tyakolela melongomona lio Mukuatate Knorr liokuati: “Ombembwa Ipondola Okutualako?” (6) Oityi Onombangi mba Jeova valinga mo 1942, opo vayandyanese ovilinga viavo viokuivisa? (7) Hangununa ononkhono patyi ononene valinga opo vetavelwe okulihonekesa ku kaputu mo Estados Unidos, no mo Kanadaa no mo Gresia. (8) Oñgeni osikola yo Gileade yaava ondundo konthele yokuyawisa ovilinga viokuivisa? (9) Ovilinga patyi viakolela viahimbika mo 1946, iya omokonda yatyi? (10) Oityi Onombangi mba Jeova valinga opo vakale nonthumbi yokuti ovituwa viavo vielikuata novitumino Viombimbiliya? (11) Hangununa omaviukiso alingwa mo 1970, opo vakale nonthumbi yokuti eongano likahi nokulandula nawa-nawa etyi Ombimbiliya ipopia. (12) Oñgeni ovideo oyo, yekukuatesako okunoñgonoka vali nawa okuti Jeova ukahi nokuhongolela eongano, nokuti eli eongano liae? (13) Oñgeni ovideo oyo, yapameka etokolo liove liokutualako okuivisa nombili namphila utumbukilwa novitateka? (14) Oñgeni tupondola okuundapesa ovideo oyo, opo tukuateseko ombunga yetu, na vana tulilongesa navo Ombimbiliya, novanthu ovakuavo?
Kese nthiki ilamba, iyawisa otyipuka otyipe kehipululo lio Nombangi mba Jeova. Oityi ehipululo maliya okupopia konthele yononkhono tulinga movilinga viokuivisa? Ngetyi tyalinga ovakuatate vetu kohale, nonthue tutualeiko nombili “okuliaimisa otyimimi”!—2 Cor. 4:6.