Popia Haunene Okuhimbika Okulongesa Ovanthu Ombimbiliya Motyasapalo Tyotete
Okuhimbikila mu Kapepo yo 2011, ovaivisi vekahi nokuavelwa ondundo yokuhimbika okulongesa ovanthu Ombimbiliya Motyasapalo tyotete onohanyi ambuho. Pala okutukuatesako okulinga ngotyo, Omutala Womulavi apeho uhole okueta onthele ina osapi yati “Omapulo Ombimbiliya Akumbululwa”. Ngotyo, momaliongiyo okuenda movilinga viokuivisa Motyasapalo tyotete popia unene oñgeni tupondola okuhimbika okulongesa ovanthu Ombimbiliya nokukutikinyamo elekeso lioñgeni tyilingwa.
Ovakulu vewaneno vapondola okutokola opo kese tyikundyi tyilingile eliongiyo Motyasapalo tyotete ponomphangu apa ovikundyi viliongiyila ine vapondola okuhonyeka ovikundyi aviho Mondyuo Yomaliongiyo. Mahi, Inkha Mondyuo Yomaliongiyo muliongiyila omawaneno omanyingi, onthiki oyo yakolela yokuhimbika okulongesa ovanthu Ombimbiliya kaipondola okupilululwa alilingwa monthiki onkhuavo.