Okuyawisa Ounongo Wetu Wokuivisa—Pokukatalela-po Omunthu Walekesa Esuko

TYAKOLELA MOKONDA YATYI? Ovanthu ovanyingi valekesa esuko konondaka onongwa Mbouhamba, vekahi nokuovola otyili konthele ya Huku. (Isa. 55:6) Opo vekule motyili, tuna yokukondoka-ko apeho. Ovanthu valambela movitateka vielikalaila, moluotyo tuesukisa okupopia navo mononkhalelo mbelikalela. Ngotyo, matukala vali ovanongo inkha tulipongiya nawa iya atukala nolusoke luetyi matukapopia, tyina tukatalelapo omunthu walekesa esuko opo tuhimbike okulilongesa nae Ombimbiliya.

TYILINGWA ÑGENI?

• Linga ononkhono opo ukondokeko tyahasete.—Mat. 13:19

• Kala nonthilo noundyandyi. Wahasukalale unene.

• Tetekela okukukunya monkhalelo ikahi nawa. Tumbula enyina liae. Muhinangelesa omokonda yatyi wakondokela vali—hamwe weya opo ukumbulule epulo wasilepo ine hamwe okumuavela omukanda ine hamwe okumulekesa o site yetu ine o vidiu ine okumulekesa oñgeni tyililongeswa Ombimbiliya. Inkha omunthu upopia etyi tyimusukalalesa, nkhele tomphola konthele yotyo.—Fil. 2:4.

• Tapelela otyili tyo Mbimbiliya wakuna momutima wae, mokumutangela o Testu ine okumuavela omukanda. (1 Cor. 3:6) Ovola okukala noupanga nae.

• Sapo etyi mamuya okupopia vali.