Okuyawisa Ounongo Wetu Wokuivisa—Lekesa oñgeni Ovanthu valongeswa Ombimbiliya Nomukanda Ombimbiliya Ilongesa
Tyakolela Mokonda Yatyi: Ovanthu ovanyingi tyina tuti tukahi nokulongesa ovanthu Ombimbiliya otyali kavetyii oityi tukahi nokupopia. Vapondola okusoka okuti mavahonyekwa motyikundyi tyimwe ine okuhoneka omikanda. Uhapopie vala okuti momulongesa, mahi lekesa oñgeni tyililongeswa Ombimbiliya. Mono minutu mbehehi, alo umwe lutai, upondola okulekesa omunthu okuti okulilongesa tyapepuka nouwa apondola okupola kokulilongesa Ombimbiliya.
Tyilinga Mokueenda Kuohanyi:
Likuambela ku Jeova ekuyambe mokonda yononkhono ulinga mbokuhimbika okulongesa ovanthu Ombimbiliya.—Fil. 2:13.
Hetekela okulongesa omunthu nomukanda Ombimbiliya Ilongesa ine lekesa ovidiu Oñgeni Tyililongeswa Ombimbiliya? tyina wenda movilinga viokuivisa.