Okuti Otyikando Tyotete Utalelapo Omunthu Ulekesa Oñgeni Tulilongesa Ombimbiliya Novanthu?
Tyina tupopia novanthu okuti tueya okuvelongesa Ombimbiliya, vamwe vapopia okuti ovo kavesukile ine vekahiale nokulilongesa Ombimbiliya mokapela kavo. Mokonda pamwe kavetyii okuti onthue tulilongesa Ombimbiliya novanthu monkhalelo yelikalela no nongeleya ononkhuavo, ovo kavetyii ouwa patyi vapondola okupola kelongeso. Moluotyo, omokonda yatyi kuovola ono minutu mbumwe opo ulekese komunthu oñgeni onthue tulilongesa Ombimbiliya novanthu tyipona vala okuti tueya okukulongesa Ombimbiliya? Mongeleka: Opo ovanthu vatale okuti uteleka nawa wesukisa okuvekonga opo vamakele okulia kuove! Pombuelo apa palekesa oñgeni upondola okutyilinga mono minutu mbehehi, okuundapesa onondonga mbukahi mo Nosso Ministério do Reino ya Janeiro yo 2006, pefo 6:
“Ove utavela okuti nthiki imwe onondaka ombu mambukafuiswapo? [Tanga Isaías 33:24, oyeke omunthu akumbulule.] Mandyikulekesa otyipuka tyimwe otyiwa konthele oyo.” Muavela omukanda Ombimbiliya Ilongesa, opopi nae etyi tyikahi pefo 36 palagrafu 22. Tanga epulo likahi pombuelo yefo, iya oiti omunthu aovole ekumbululo putyina atanga o palagrafu. Linga vali epulo iya otehelela omunthu etyi makumbulula. Tanga nae ono testu ononkhuavo. Linga epulo maliya okukumbululwa monthiki onkhuavo, iya olingi ononkhono opo ukondoke. Ngotyo, ove wahimbikale okulilongesa nae Ombimbiliya!