Otyiti Otyipe Pala Okuhimbika Etompho

Tunde mu Kupupu yo 2016, kefo lio kondye Liomutala Womulavi pala ounyingi, kuna otyiti otyipe, tyina okasapi kati: “Oityi Ombimbiliya Ipopia?” Otyiti otyo otyipe, tyalingwa opo tyitukuateseko okulongesa ovanthu Ombimbiliya. Otyiti otyo tyikahi ngo tratadu. Tyina omapulo, nomakumbululo avasiwa Mombimbiliya, novikuavo vitukuatesako okulongesa ovanthu Ombimbiliya.

Okukala netompho ewa konthele yo Mbimbiliya, tyilunda omunthu okulilongesa Ombimbiliya. Undapesa otyiti otyo otyipe opo ukuatesako ovanthu ovanyingi okunoñgonoka Jeova.—Mat. 5:6.

TYILINGWA ÑGENI?

1. Pula omunthu wavasa apopie etyi asoka konthele yepulo olio

2. Tehelela nawa tyina amakumbululo

3. Tanga o testu ili pombuelo yo kasapi kati: “Oityi Ombimbiliya Ipopia” iya omupulu etyi asoka konthele yo versikulu muatanga. Inkha tyitavela, mupondola okutomphola vali pombuelo yo kasapi kati: “Oityi Vali Tupondola Okulilongesa Mombimbiliya?”

4. O muavela omutala womulavi

5. Lipongiya opo ukondokeko vali amutomphola konthele yepulo lia vali