Ovipuka Una Okulityilika Tyina Ulongesa Omunthu Ombimbiliya

Okupopia Unene: Uhasoke okuti tyina ulongesa una okuhangununa atyiho. Jesus waundapesile omapulo opo akuateseko ovanthu okusoka, iya avetyivili okukumbulula. (Mat. 17:24-27) Okulinga omapulo tyihambukiswa omulongwa, iya tupu matyikukuatesako okuimbuka etyi omulongwa anoñgonoka netyi etavela. (be 253 §§ 3-4) Tyina umulinga epulo, kala noumphua-lundo iya okevela akumbulule. Ankho omulongwa uava ekumbululo liehelio, ove uhakumbulule mulinga epulu ekuavo opo asoke. (be 238 §§ 1-2) Popia onondaka mbapepuka opo omulongwa anoñgonoke ovipuka ovipe.​—be 230 § 4.

Okulinga Etyi Tyipuilisa: Lityilika okupopia atyiho wii konthele yetyi mukahi nokulilongesa. (João 16:12) Mopalagrafu popia-mo vala ovipuka viakolela. (be 226 §§ 4-5) Okupopia onondaka ononyingi mbupondola okutatamesa omulongwa ahapolopo esilivilo. (be 235 § 3) Tyina omulongwa amanoñgonoka etyi mukahi nokupopia, enda no mopalagrafu onkhuavo.

Okulilongesa Onopalagrafu Ononyingi: Etyi tuhanda okuhika komutima womulongwa, hakumana omukanda. (Lucas 24:32) Undapesa epondolo Liondaka ya Huku, mokutanga otestu yakolela vali mopalagrafu. (2 Cor 10:4; Heb 4:12; be 144 §§ 1-3) Popia onongeleka mbapepuka. (be 245 §§ 2-4) Tehelela ovitateka omulongwa ena netyi etavela iya omukuatesako netyi mulilongesa. Mulinga omapulo ngaa: “Oityi usoka konthele yetyi tuelilongesa hono?” “Oityi etyi tyikulongesa konthele ya Jeova?” “Ouwa patyi mopoloko ankho wendela muetyi tuelilongesa?”​—be 238 §§ 3-5; 259 § 1.