OKUYAWISA OUNONGO WETU WOKUIVISA Okupopila Ovanthu Aveho Potyilongo Tyetu

TYAKOLELA MOKONDA YATYI: Zacaria waulile okuti ovanthu vomalaka aeho nomalongo aeho mavakalongeswa onondaka onongwa. (Zac. 8:23) Mahi olie mekevelongesa? (Rom. 10:13-15) Tuna elao, notyilinga otyinene tyokulongesa onondaka onongwa potyilongo tyetu.—Organizados para Fazer a Vontade de Jeová pefo 84 §§ 10-11.

TYILINGWA ÑGENI?

• Lipongiya. Okuti wavasile-ale ovanthu vapopia elaka ekuavo? Upondola okuundapesa o JW Language opo ulilongese elekeso lihepuiya. Ine undapesa o telefone yove opo umulekese oñgeni apondola okuvasa vali omikanda melaka liae mo jw.org.

• Tala nawa. Inkha ukahi movilinga viokuivisa umbo na umbo, tupu uhayeke omphitilo yokuava oumbangi ku vana vekahi nokukevelela omatuku-tuku. Namphila uhapondola okuyeka omphitilo oyo, mahi uhalimbueko okuivisa umbo na umbo.

• Undapa nombili: Ovola vana uhavasile meumbo. Linga ononkhono mbokupopia novanthu aveho momaumbo avo, opo utyivile endako mo noola mbelikalaila ine ononthiki mbelikalaila mosimanu. Ovanthu vamwe pamwe mavasukisa okuhonekelwa omukanda ine okupopia navo kotelefone ine oumbangi metapalo.

• Lekesa esuko. Kondoka-ko liwa-liwa opo ulekese okuti wesuka nae. Inkha omunthu upopia elaka ekuavo, ovola omunthu wafuapo opo emulongese melaka liae. Tualako okutomphola nomunthu oo aloo uvasa omuivisi upopia elaka liae.—Organizados para Fazer a Vontade de Jeová pefo 94 §§ 39-40

HIKISA O VIDIU YATI: IVISEI “ALO KONONTHELE MBOKOKULE MBOHI” IYA AMUKUMBULULA OMAPULO AA:

• Oityi ovakuatate no nomphange valinga opo vapopie novanthu vakala movilongo vio kokule? (1 Cor. 9:22, 23)

• Ovitateka patyi vakala navio?

• Ouwa patyi vapolako?

• Ononkhono patyi una okulinga opo upopie vali novanthu ovanyingi potyilongo tyove?